ꠅꠤꠍꠣ
ꠍꠚꠞ ꠅꠤꠍꠣ (ꠀꠋꠞꠦꠎ ꠝꠣꠔ ꠪ travel visa; ꠐꠦꠝ꠆ꠙꠟꠦꠐ:Ety;[1] ꠅꠤꠍꠣ ꠍꠣꠙ ꠘꠣꠝꠦꠅ ꠙꠞꠤꠌꠤꠔ) ꠅꠁꠟ ꠇꠥꠘꠥ ꠄꠇ ꠞꠣꠡ꠆ꠐ꠆ꠞꠡꠔ꠆ꠔꠣ ꠇꠔ꠆ꠞꠤꠇ ꠇꠥꠘꠥ ꠛꠤꠖꠦꠡꠤꠞꠦ ꠖꠦꠅꠣ ꠄꠇꠐꠣ ꠡꠞ꠆ꠔꠣꠙꠦꠇ꠆ꠇ ꠅꠘꠥꠝꠔꠤ, ꠎꠦꠇꠐꠣ ꠔꠣꠞꠦ ꠁ ꠞꠣꠡ꠆ꠐ꠆ꠞꠡꠔ꠆ꠔꠣꠞ ꠜꠥꠈꠘ꠆ꠒꠔ ꠢꠣꠝꠣꠘꠤ, ꠕꠣꠇꠣ ꠛꠣ ꠁꠈꠣꠘ ꠕꠣꠇꠤ ꠛꠣꠁꠞ ꠅꠁꠔ ꠖꠦꠄ। ꠅꠤꠍꠣꠔ ꠡꠣꠗꠣꠞꠘꠔ ꠛꠤꠖꠦꠡꠤꠞ ꠕꠣꠇꠣꠞ ꠡꠝꠄꠡꠤꠝꠣ, ꠖꠦꠡꠞ ꠇꠥꠘ ꠇꠥꠘ ꠄꠟꠣꠇꠣꠔ ꠔꠣꠁꠘ ꠢꠣꠝꠣꠁꠔꠣ ꠙꠣꠞꠛꠣ, ꠇꠥꠘ ꠇꠥꠘ ꠔꠣꠞꠤꠈꠧ ꠙ꠆ꠞꠛꠦꠡ ꠇꠞꠔꠣ ꠙꠣꠞꠛꠣ, ꠅꠘꠥꠝꠥꠖꠤꠔ ꠙ꠆ꠞꠛꠦꠡꠞ ꠡꠂꠋꠈꠣ, ꠅꠕꠛꠣ ꠡꠝ꠆ꠙꠞ꠆ꠇꠤꠔ ꠖꠦꠡꠧ ꠔꠣꠁꠘ ꠇꠣꠝ ꠇꠞꠔꠣ ꠙꠣꠞꠛꠣ ꠘꠤ—ꠅꠔꠣ ꠛꠤꠡꠄꠄ ꠡꠤꠝꠣꠛꠖ꠆ꠗꠔꠣ ꠕꠣꠇꠦ। ꠅꠤꠍꠣ ꠇꠥꠘꠥ ꠜꠥꠈꠘ꠆ꠒꠔ ꠑꠥꠇꠣꠞ ꠅꠘꠥꠝꠔꠤꠞ ꠟꠉꠦ ꠡꠝ꠆ꠙꠞ꠆ꠇꠤꠔ, ꠀꠞ ꠅꠔꠣꠞ ꠟꠣꠉꠤ ꠛꠦꠡꠤꠞꠜꠣꠉ ꠖꠦꠡꠧ ꠁꠉꠥ ꠇꠥꠘꠥ ꠛꠤꠖꠦꠡꠤꠞ ꠖꠦꠡꠧ ꠢꠣꠝꠣꠘꠤ ꠀꠞ ꠕꠣꠇꠣꠞ ꠡꠞꠣꠡꠞꠤ ꠖꠣꠚꠔꠞꠤꠇ ꠅꠘꠥꠝꠔꠤ ꠕꠘꠦ ꠀꠟꠣꠖꠣ। ꠙꠞ꠆ꠔꠤꠐꠣ ꠈꠦꠔ꠆ꠞꠅ ꠡꠞ꠆ꠛꠣꠘ꠆ꠔꠞꠤꠇ ꠙꠛꠦꠡꠞ ꠡꠝꠄ ꠅꠤꠍꠣ ꠡꠤꠝꠣꠘ꠆ꠔ ꠘꠤꠅꠘ꠆ꠔ꠆ꠞꠘꠞ ꠀꠅꠔꠣꠗꠤꠘ ꠕꠣꠇꠦ ꠀꠞ ꠎꠦꠇꠥꠘꠥ ꠡꠝꠄ ꠁꠇꠐꠣ ꠛꠣꠔꠤꠟ ꠇꠞꠣ ꠎꠣꠄ। ꠅꠤꠍꠣꠞ ꠙ꠆ꠞꠝꠣꠘ ꠡꠣꠗꠣꠞꠘꠔ ꠀꠛꠦꠖꠘꠇꠣꠞꠤꠞ ꠙꠣꠞꠙꠔ꠆ꠞ ꠛꠣ ꠅꠂꠘ꠆ꠘ ꠇꠥꠘꠥ ꠍꠚꠞꠤ ꠘꠕꠤꠔ ꠟꠣꠉꠣꠁꠟ ꠄꠇꠐꠣ ꠍ꠆ꠐꠤꠇꠣꠞꠞ ꠞꠥꠙꠦ ꠕꠣꠇꠦ, ꠔꠄ ꠁꠉꠥ ꠁꠟꠦꠇꠐ꠆ꠞꠧꠘꠤꠇꠜꠣꠛꠦꠅ ꠕꠣꠇꠔ ꠙꠣꠞꠦ। ꠇꠤꠍꠥ ꠖꠦꠡ ꠀꠞ ꠅꠤꠍꠣꠞ ꠡꠣꠞꠤꠞꠤꠇ ꠙ꠆ꠞꠝꠣꠘꠙꠔ꠆ꠞ ꠖꠦꠄ ꠘꠣ; ꠙꠞꠤꠛꠞ꠆ꠔꠦ ꠔꠣꠞꠣ ꠈꠣꠟꠤ ꠡꠤꠝꠣꠘ꠆ꠔ ꠘꠤꠞꠣꠙꠔ꠆ꠔꠣ-ꠡꠝ꠆ꠙꠞ꠆ꠇꠤꠔ ꠒꠣꠐꠣꠛꠦꠁꠎꠧ ꠄꠞ ꠛꠤꠛꠞꠘ ꠡꠋꠞꠇ꠆ꠈꠘ ꠇꠞꠦ।
ꠇꠤꠍꠥ ꠖꠦꠡ ꠔꠣꠞꠣꠞ ꠘꠤꠎꠞ ꠘꠣꠉꠞꠤꠇꠢꠇꠟꠞꠦ, ꠀꠞ ꠇꠥꠘꠥ ꠇꠥꠘꠥ ꠛꠤꠖꠦꠡꠤ ꠝꠥꠍꠣꠚꠤꠞꠢꠇꠟꠞꠦ, ꠖꠦꠡ ꠕꠘꠦ ꠛꠣꠁꠞ ꠅꠁꠔꠦ ꠅꠘꠥꠝꠔꠤ ꠙꠣꠅꠣꠞ ꠟꠣꠉꠤ ꠄꠇꠐꠣ ꠛꠣꠁꠞ ꠅꠅꠣꠞ ꠅꠤꠍꠣ (exit visa) ꠘꠦꠅꠣꠞꠦ ꠛꠣꠗ꠆ꠔꠣꠝꠥꠟꠇ ꠇꠞꠦ।
ꠅꠂꠔꠤꠀꠡꠤꠇꠜꠣꠛꠦ, ꠡꠤꠝꠣꠘ꠆ꠔ ꠘꠤꠞꠣꠙꠔ꠆ꠔꠣ ꠇꠞ꠆ꠝꠇꠞ꠆ꠔꠣꠢꠇꠟꠦ ꠡꠤꠝꠣꠘ꠆ꠔꠔ ꠀꠅꠣꠞ ꠡꠝꠄ ꠖꠞ꠆ꠡꠘꠣꠞ꠆ꠕꠤꠘ꠆ꠔꠞ ꠢꠣꠝꠣꠘꠤꠞ ꠅꠘꠥꠝꠔꠤ ꠖꠦꠅꠣ ꠛꠣ ꠘꠣꠇꠌ ꠇꠞꠣꠞ ꠈꠦꠝꠔꠣ ꠞꠣꠈꠔꠣ। ꠇꠥꠘꠥ ꠖꠞ꠆ꠡꠘꠣꠞ꠆ꠕꠤꠞꠦ ꠙ꠆ꠞꠛꠦꠡꠞ ꠅꠘꠥꠝꠔꠤ ꠖꠦꠅꠣ ꠅꠁꠟꠦ, ꠙ꠆ꠞꠎꠥꠁꠎ꠆ꠎ ꠅꠁꠟꠦ ꠇꠞ꠆ꠝꠇꠞ꠆ꠔꠣ ꠙꠣꠞꠙꠔ꠆ꠞꠔ ꠍ꠆ꠐꠣꠝ꠆ꠙ ꠢꠤꠡꠣꠛꠦ ꠔꠣꠘꠞꠦ ꠅꠤꠍꠣ ꠖꠦꠅꠣ ꠅꠁꠔ। ꠀꠁꠎꠇꠣꠁꠟ, ꠅꠂꠘ꠆ꠘ ꠇꠥꠘꠥ ꠖꠦꠡꠧ ꠢꠣꠝꠣꠁꠔꠦ ꠌꠣꠅꠣ ꠝꠥꠍꠣꠚꠤꠞꠞꠦ ꠙꠣꠞꠣꠙꠣꠞꠤ ꠛꠣ ꠀꠉꠦ ꠕꠣꠇꠤ ꠅꠤꠍꠣꠞ ꠟꠣꠉꠤ ꠀꠛꠦꠖꠘ ꠇꠞꠔꠦ ꠅꠄ, ꠇꠥꠘꠥ ꠇꠥꠘꠥ ꠇꠘꠍꠥꠟꠣꠞ ꠅꠚꠤꠍꠦ ꠡꠞꠣꠡꠞꠤ, ꠒꠣꠇꠎꠥꠉꠦ ꠛꠣ ꠁꠘ꠆ꠐꠣꠞꠘꠦꠐꠞ ꠝꠣꠁꠖ꠆ꠗꠝꠦ। ꠀꠗꠥꠘꠤꠇ ꠅꠤꠍꠣ ꠙꠣꠞꠙꠔ꠆ꠞꠔ ꠟꠣꠉꠣꠁꠟ ꠄꠈꠣꠘ ꠍ꠆ꠐꠤꠇꠣꠞ ꠛꠣ ꠍ꠆ꠐꠣꠝ꠆ꠙ, ꠅꠘꠥꠝꠔꠤꠞ ꠄꠇꠐꠣ ꠁꠟꠦꠇꠐ꠆ꠞꠧꠘꠤꠇ ꠞꠦꠇꠞ꠆ꠒ, ꠅꠕꠛꠣ ꠄꠇꠐꠣ ꠀꠟꠣꠉ ꠘꠕꠤ ꠅꠁꠔ ꠙꠣꠞꠦ, ꠎꠦꠐꠣ ꠀꠛꠦꠖꠘꠇꠣꠞꠤ ꠢꠣꠝꠣꠁꠛꠣꠞ ꠀꠉꠦ ꠙ꠆ꠞꠤꠘ꠆ꠐ ꠇꠞꠤ ꠖꠦꠡꠧ ꠙ꠆ꠞꠛꠦꠡꠞ ꠡꠝꠄ ꠖꠦꠈꠣꠁꠔ ꠙꠣꠞꠦ। ꠇꠤꠍꠥ ꠖꠦꠡꠧ ꠇꠝ ꠡꠝꠄꠅꠞ ꠍꠚꠞꠞ ꠟꠣꠉꠤ ꠖꠞ꠆ꠡꠘꠣꠞ꠆ꠕꠤꠘ꠆ꠔꠞꠦ ꠀꠉꠦ ꠅꠤꠍꠣꠞ ꠟꠣꠉꠤ ꠀꠛꠦꠖꠘ ꠇꠞꠣꠞ ꠖꠞꠇꠣꠞ ꠙꠠꠦ ꠘꠣ।
ꠀꠅꠣꠞ ꠀꠉꠦ ꠅꠤꠍꠣꠞ ꠟꠣꠉꠤ ꠀꠛꠦꠖꠘ ꠘꠦꠅꠣꠞ ꠝꠣꠁꠖ꠆ꠗꠝꠦ ꠖꠦꠡꠉꠥꠁꠘ꠆ꠔꠦ ꠀꠛꠦꠖꠘꠇꠣꠞꠤꠞ ꠀꠞ꠆ꠕꠤꠇ ꠘꠤꠞꠣꠙꠔ꠆ꠔꠣ, ꠍꠚꠞꠞ ꠇꠣꠞꠘ, ꠀꠞ ꠖꠦꠡꠐꠣꠔ ꠙꠥꠞ꠆ꠛꠦ ꠎꠣꠅꠣꠞ ꠛꠤꠛꠞꠘꠞ ꠟꠣꠈꠣꠘ ꠙꠞꠤꠍ꠆ꠕꠤꠔꠤ ꠛꠤꠛꠦꠌꠘꠣ ꠇꠞꠣꠞ ꠡꠥꠎꠥꠉ ꠙꠣꠄ। ꠙ꠆ꠞꠛꠦꠡꠖꠥꠀꠞꠧ ꠀꠅꠣꠞ ꠙꠞꠦꠅ ꠖꠞ꠆ꠡꠘꠣꠞ꠆ꠕꠤꠘ꠆ꠔꠞꠦ ꠘꠤꠞꠣꠙꠔ꠆ꠔꠣ ꠛꠣ ꠡꠣꠁꠍ꠆ꠕ ꠙꠞꠤꠇ꠆ꠈꠣ ꠇꠞꠣꠁꠔ ꠀꠞ ꠄꠘ꠆ꠐ꠆ꠞꠤ ꠙꠣꠡ ꠇꠞꠔꠦ ꠅꠁꠔ ꠙꠣꠞꠦ।
ꠅꠁꠟꠦ, ꠘꠞꠅꠦꠞ ꠛꠤꠡꠦꠡ ꠅꠘ꠆ꠌꠟ ꠍ꠆ꠅꠣꠟꠛꠣꠞ꠆ꠒ ꠍ꠆ꠅꠣꠟꠛꠣꠞ꠆ꠒ ꠌꠥꠇ꠆ꠔꠤꠞ ꠡꠞ꠆ꠔ ꠅꠘꠥꠎꠣꠁ ꠄꠇꠐꠤ ꠡꠝ꠆ꠙꠥꠞ꠆ꠘ ꠅꠤꠍꠣꠝꠥꠇ꠆ꠔ ꠅꠘ꠆ꠌꠟ]]।[2] ꠇꠤꠍꠥ ꠖꠦꠡ—ꠎꠦꠝꠘ ꠡꠦꠋꠉꠦꠘ ꠄꠟꠣꠇꠣꠞ ꠖꠦꠡꠉꠥꠁꠘ—ꠅꠂꠘ꠆ꠘ ꠖꠦꠡꠞ ꠟꠉꠦ ꠄꠝꠘ ꠌꠥꠇ꠆ꠔꠤ ꠇꠞꠍꠦ, ꠎꠦꠔꠣꠞ ꠚꠟꠦ ꠃꠜꠄ ꠖꠦꠡꠞ ꠘꠣꠉꠞꠤꠇꠣꠁꠘ꠆ꠔꠦ ꠅꠤꠍꠣ ꠍꠣꠠꠣꠃ ꠄꠇ ꠖꠦꠡ ꠕꠣꠇꠤ ꠀꠞꠇ ꠖꠦꠡꠧ ꠍꠚꠞ ꠇꠞꠔꠣ ꠙꠣꠞꠂꠘ। ২০১৫ ꠡꠣꠟꠧ ꠛꠤꠡ꠆ꠡ ꠙꠞ꠆ꠎꠐꠘ ꠡꠋꠍ꠆ꠕꠣꠄ ꠊꠥꠡꠘꠣ ꠇꠞꠍꠤꠟ ꠎꠦ ꠜ꠆ꠞꠝꠘꠞ ꠙꠥꠞ꠆ꠛꠦ ꠅꠤꠍꠣꠞ ꠎꠞꠥꠞꠔ ꠅꠄ ꠄꠝꠘ ꠙꠞ꠆ꠎꠐꠇꠞ ꠡꠂꠋꠈꠣ ꠢꠃ ꠡꠝꠄ ꠙꠞ꠆ꠎꠘ꠆ꠔ ꠡꠛꠌꠦ ꠇꠝ ꠙꠞ꠆ꠎꠣꠄꠄ ꠙꠃꠍꠤꠍꠤꠟ।[3][4]
- ↑ "visa | Origin and meaning of visa by Online Etymology Dictionary". www.etymonline.com.
- ↑ Immigrants warmly welcomed, Al Jazeera, 4 July 2006.
- ↑ "Visa requirements for tourism eased around the world: UN agency". torontosun. 15 January 2016.
- ↑ Lua error in Module:Citation/CS1 at line 3282: attempt to call field 'year_check' (a nil value).