ꠈꠣꠟꠦꠖꠣ ꠎꠤꠀ

২০১১ ꠡꠣꠟꠅ ꠈꠣꠟꠦꠖꠣ ꠎꠤꠀ

ꠛꠦꠉꠝ ꠈꠣꠟꠦꠖꠣ ꠎꠤꠀ (ꠎꠘ꠆ꠝ: ১৫ ꠀꠉꠡ꠆ꠐ, ১৯৪৫) ꠛꠣꠋꠟꠣꠖꠦꠡꠞ ꠀꠉꠞ ꠚꠞꠗꠣꠘꠝꠘꠔꠤꠞꠤ, ꠎꠦꠁꠘ ১৯৯১ ꠔꠣꠇꠤ ১৯৯৬ ꠡꠣꠟ ꠀꠞ ২০০১ ꠔꠣꠇꠤ ২০০৬ ꠡꠣꠟ ꠚꠞ꠆ꠎꠘ꠆ꠔ ꠔꠣꠁꠘ ꠚꠞꠗꠣꠘꠝꠘꠔꠤꠞꠤ ꠀꠍꠟꠣ ⁕ ꠔꠣꠁꠘ ꠛꠣꠋꠟꠣꠖꠦꠡꠞ ꠚꠄꠟꠣ ꠛꠦꠐꠤ ꠚꠞꠗꠣꠘꠝꠘꠔꠤꠞꠤ ꠀꠞ ꠝꠥꠍꠟꠝꠣꠘ ꠖꠦꠡꠧꠁꠘꠔꠞ ꠅꠛꠣꠄ ꠔꠣꠁꠘ ꠀꠍꠟꠣ ꠖꠥꠁ ꠘꠝ꠆ꠛꠞ ꠡꠞꠇꠣꠞ ꠚꠞꠗꠣꠘ (ꠛꠦꠘꠎꠤꠞ ꠜꠥꠐ꠆ꠐꠧꠞ ꠛꠣꠖꠦ) ⁕ ꠔꠣꠘꠞ ꠎꠣꠝꠣꠁ ꠀꠍꠟꠣ ꠛꠣꠋꠟꠣꠖꠦꠡꠞ ꠀꠉꠞ ꠞꠣꠡ꠆ꠐꠚꠔꠤ, ꠅꠃ ꠡꠝꠄ ꠔꠣꠁꠘ ꠛꠣꠋꠟꠣꠖꠦꠡꠞ ꠚꠣꠞ꠆ꠡꠐ ꠟꠦꠒꠤ ꠀꠍꠟꠣ ⁕ ꠔꠣꠁꠘ ꠅꠈꠘꠇꠥ ꠛꠣꠋꠟꠣꠖꠦꠡ ꠎꠞꠔꠤꠅꠔꠣꠛꠣꠖꠤ ꠖꠟꠞ ꠌꠤꠀꠞꠙꠣꠞꠍꠘ ꠀꠞ ꠖꠟꠞ ꠘꠦꠔ꠆ꠞꠤ, ꠎꠤꠐꠣ ꠔꠣꠘꠞ ꠎꠣꠝꠣꠁ ꠎꠤꠀꠃꠞ ꠞꠢꠝꠣꠘ ১৯৭০ ꠅꠞ ꠖꠡꠧꠇꠞ ꠡꠦꠡꠞ ꠅꠛꠣꠄ ꠛꠣꠘꠣꠁꠍꠁꠘ ⁕

১৯৮২ ꠡꠣꠟꠧ ꠡꠦꠘꠣꠛꠣꠢꠤꠘꠤꠞ ꠚꠞꠖꠣꠘ ꠎꠦꠘꠣꠞꠦꠟ ꠄꠁꠌ ꠄꠝ ꠄꠞꠡꠣꠖ ꠅꠞ ꠘꠦꠔ꠆ꠞꠤꠔ꠆ꠔꠦ ꠍꠣꠟꠣꠁꠟ ꠡꠣꠝꠞꠦꠇ ꠅꠜꠜꠥꠔꠣꠘꠞ ꠛꠣꠖꠦ ꠔꠣꠇꠤ ১৯৯০ ꠡꠣꠟꠧ ꠡꠣꠝꠞꠤꠇ ꠡꠣꠡꠇ ꠅꠁꠀ ꠄꠞꠡꠣꠖ ꠈꠝꠔꠣ ꠔꠣꠇꠤ ꠘꠣꠝꠣꠘꠤꠞ ꠀꠉ ꠚꠞꠎꠘ꠆ꠔ ꠅꠃꠀ ꠀꠘ꠆ꠖꠧꠟꠘꠞ ꠈꠣꠟꠦꠖꠣ ꠎꠤꠀ ꠘꠦꠔ꠆ꠞꠦꠔ꠆ꠔ ꠖꠤꠍꠧꠁꠘ ⁕ ১৯৯১ ꠅꠞ ꠘꠤꠞꠛꠣꠌꠘꠧ ꠔꠣꠘꠞ ꠖꠟ ꠛꠣꠋꠟꠣꠖꠦꠡ ꠎꠞꠔꠤꠅꠔꠣꠛꠣꠖꠤ ꠖꠟ (ꠛꠤꠄꠘꠙꠦ) ꠎꠤꠔꠣꠞ ꠛꠣꠖꠦ ꠔꠣꠁꠘ ꠚꠄꠟꠣ ꠚꠞꠗꠣꠘꠝꠘ꠆ꠔꠤꠞꠤ ꠅꠁꠘ ⁕ ১৯৯৬ ꠅꠞ ꠔꠥꠞꠣ ꠡꠝꠧꠅꠞ ꠡꠞꠇꠣꠞꠧꠅ ꠔꠣꠁꠘ ꠖꠣꠁꠔ꠆ꠔ ꠚꠣꠟꠘ ꠈꠞꠁꠘ, ꠢꠅ ꠡꠝꠄ ꠅꠁꠘ꠆ꠘ ꠖꠟ ꠁꠉꠥꠘ ꠅꠃ ꠘꠤꠞꠛꠣꠌꠘ ꠁꠉꠥ ꠛꠞꠎꠘ ꠇꠞꠍꠤꠟ ⁕ ১৯৯৬ ꠡꠣꠟꠧꠞ ꠛꠣꠖꠦ ꠡꠣꠗꠣꠞꠘ ꠘꠤꠞꠛꠣꠌꠘꠧ ꠎꠤꠔꠤꠀ ꠈꠝꠔꠣꠔ ꠀꠁꠍꠤꠟ ⁕ ꠄꠞ ꠛꠣꠖꠦ ২০০১ ꠡꠣꠟꠧꠅ ꠔꠣꠘꠞ ꠖꠟ ꠎꠤꠔꠟꠦ ꠔꠣꠁꠘ ꠀꠛꠣꠞ ꠚꠞꠗꠣꠘꠝꠘ꠆ꠔꠤꠞꠤ ꠅꠁꠘ ⁕ ১৯৯১, ১৯৯৬ ꠀꠞ ২০০১ ꠡꠣꠟꠧꠅꠞ ꠘꠤꠞꠛꠣꠌꠘꠧꠅ ꠔꠣꠘ ꠘꠤꠎꠞ ৫ꠐꠣ ꠀꠡꠘꠧꠅꠞ ꠢꠈꠈꠟꠐꠤꠘꠔꠧꠅ ꠎꠤꠔꠧꠁꠘ ⁕