ꠍꠣꠖꠦꠇ ꠀꠟꠤ

ꠍꠛꠤ
ꠎꠦ ꠎꠤꠘꠤꠡꠞ	ꠝꠣꠘꠥ
ꠎꠦꠉꠣ	ꠍꠤꠟꠐ ꠅꠘ꠆ꠌꠟ ꠨ ꠝꠥꠟꠂꠛꠣꠎꠣꠞ ꠎꠤꠟꠣ ꠨ Kulaura Upazila
ꠎꠘꠝ
ꠝꠞꠘ
ꠟꠤꠋꠉꠅ	male
ꠎꠦ ꠖꠦꠡꠞ ꠘꠣꠉꠞꠤꠇ	ꠛꠤꠐꠤꠡ ꠞꠣꠎ
ꠘꠣꠝ	ꠍꠣꠖꠦꠇ ꠀꠟꠤ
languages spoken, written or signed	ꠍꠤꠟꠐꠤ ꠝꠣꠔ ꠨ ꠛꠣꠋꠟꠣ ꠝꠣꠔ
occupation	poet
ꠗꠞ꠆ꠝꠅ ꠀꠞ ꠛꠤꠡ꠆ꠡꠣꠡ	Sunni Islam
ꠉꠥꠉꠟ ꠘꠟꠦꠎ ꠉꠦꠞꠣꠚ ꠀꠁꠒꠤ	/g/11h8bs12dj

ꠍꠣꠖꠦꠇ ꠀꠟꠤ /sad̪ex ali/ ꠪ ꠝꠥꠘ꠆ꠡꠤ ꠍꠣꠖꠦꠇ ꠀꠟꠤ ꠝꠥꠘꠍꠦꠚ (ꠎꠘ꠆ꠝ ꠪ ꠕꠘꠦ ⁕ ꠝꠃꠔ ꠪ ) ꠎꠣꠞ ꠎꠘ꠆ꠝꠉꠔ ꠙꠄꠟꠣ ꠘꠣꠝ ꠀꠍꠤꠟ ꠍ꠆ꠞꠤ ꠉꠂꠞꠧ ꠇꠤꠡꠞ ꠡꠦꠘ (ꠁꠘ꠆ꠖꠥ ꠗꠞ꠆ꠝꠞ ꠘꠣꠝ) ⁕^[1] ꠅꠁꠟꠣ ꠍꠤꠟꠐꠤ ꠝꠣꠔꠞ ꠄꠈꠎꠘ ꠟꠦꠈꠇ ꠀꠞ ꠇꠛꠤ ⁕ ꠔꠣꠘ ꠟꠦꠈꠣ ꠇꠦꠔꠣꠛ ꠢꠣꠟꠣꠔꠥꠘ ꠘꠛꠤ ꠅꠁꠟ ꠔꠣꠘ ꠡꠛꠌꠦꠅꠦ ꠘꠣꠝꠈꠞꠣ ꠟꠦꠈꠣ, ꠎꠦꠈꠐꠣ ꠀꠍꠔꠣ ꠍꠤꠟꠐ ꠈꠥꠛ ꠘꠣꠝ ꠈꠞꠍꠤꠟ ⁕ ꠛꠣꠖꠦ ꠁ ꠇꠤꠔꠣ ⁕ ꠛꠣꠋꠟꠣ ꠝꠣꠔ ꠅ ꠘꠈꠟ ꠈꠞꠣ ꠅꠁꠍꠦ ⁕ ꠔꠣꠁꠘ ꠒꠤꠡ꠆ꠐ꠆ꠞꠤꠇ꠆ꠐ ꠎꠣꠎ ꠅ ꠀꠍꠟꠣ ⁕

ꠙꠄꠟꠣ ꠎꠤꠛꠘ

ꠡꠣꠟꠞ ꠈꠣꠍꠣꠈꠣꠍꠤ ꠇꠥꠟꠣꠃꠠꠣꠞ ꠟꠋꠟꠣ ꠚꠞꠉꠘꠣꠞ ꠖꠃꠟꠔꠚꠥꠞ ꠉꠣꠃꠔ ꠄꠈ ꠁꠘ꠆ꠖꠥ ꠛꠂꠖ ꠚꠞꠤꠛꠣꠞꠧ ꠎꠘ꠆ꠝ ꠘꠤꠍꠟꠣ ⁕ ꠔꠣꠘ ꠝꠣ ꠛꠣꠚ ꠔꠣꠁꠘ ꠈꠥꠛ ꠢꠥꠞꠥ ꠕꠣꠈꠔꠦ ꠝꠣꠞꠣ ꠉꠦꠍꠟꠣ ⁕ ꠚꠞꠦ ꠔꠣꠘ ꠍꠣꠍꠣꠅ ꠚꠣꠟꠍꠟꠣ ꠨ ꠍꠣꠍꠣ ꠝꠣꠞꠣ ꠎꠣꠁꠘ ⁕ ꠍꠣꠍꠣ ꠝꠣꠞꠣ ꠎꠣꠅꠅꠣꠞ ꠛꠣꠖꠦ ꠎꠤꠛꠘ ꠞ ꠝꠣꠘꠦ ꠕꠥꠇꠣꠘꠤꠔ ꠟꠣꠉꠟꠣ ⁕ ꠁꠘ꠆ꠖꠥ ꠗꠞ꠆ꠝꠔ ꠛꠤꠞꠈꠔ ꠅꠁꠅꠣ ꠔꠣꠁꠘ ꠝꠇ꠆ꠔꠛ ꠅꠞ ꠢꠥꠎꠥꠞ ꠝꠧꠢꠣꠝ꠆ꠝꠣꠖ ꠎꠣꠇꠤꠞ ꠅꠞ ꠈꠣꠍꠦ ꠉꠦꠟꠣ ꠛꠣꠖꠦ ꠝꠧꠃꠟꠜꠥ ꠝꠧꠢꠣꠝ꠆ꠝꠖ ꠁꠃꠡꠥꠚ ꠅꠞ ꠈꠣꠍ ꠔꠘꠦ ꠁꠍꠟꠣꠝꠞ ꠝꠥꠟ ꠎꠤꠘꠤꠡ ꠢꠤꠇꠟꠣ ⁕ ꠚꠞꠦ ꠢꠤꠋꠉꠣꠎꠤꠅꠣ ꠕꠣꠘꠣꠞ ꠉꠧꠄꠘ꠆ꠖꠣ ꠝꠤꠞ ꠝꠥꠘ꠆ꠡꠤ ꠀꠛꠥꠟ ꠚꠎꠟꠞ ꠉꠦꠍꠦ ꠀꠞꠛꠤ ꠚꠣꠞꠡꠤ ꠢꠤꠇꠍꠁꠘ ⁕ ꠡꠣꠟ ꠓꠣꠈꠣꠔ ꠡꠣꠢ ꠘꠇꠤ ꠃꠟ꠆ꠟꠣꠢꠞ ꠉꠦꠍꠦ ꠁꠍꠟꠣꠝ ꠗꠞ꠆ꠝ ꠘꠤꠍꠁꠘ ꠀꠞ ꠘꠣꠝ ꠛꠖꠟꠣꠁꠅꠣ ꠍꠣꠖꠦꠇ ꠀꠟꠤ ꠅꠁꠍꠁꠘ ⁕

ꠟꠦꠈꠣꠞ ꠎꠤꠛꠘ

ꠍꠣꠖꠦꠇ ꠀꠟꠤꠞ ꠚꠄꠟꠣ ꠟꠦꠈꠣ ꠝꠧꠢꠣꠛ꠆ꠛꠔꠘꠣꠝꠣ ⁕ ꠛꠣꠖꠦ ꠟꠦꠈꠍꠁꠘ ꠢꠣꠡꠞ ꠝꠤꠍꠤꠟ, ꠞꠣꠖ ꠀꠟ ꠢꠤꠘ꠆ꠖꠥ (ꠁꠘ꠆ꠖꠥꠘ꠆ꠔꠞꠦ ꠎꠥꠀꠙ) ꠨ ꠇꠣꠡꠚ ꠀꠟ-ꠛꠤꠖꠣꠢ (ꠛꠤꠖꠣꠔ ꠅꠞ ꠝꠥꠈ ꠈꠥꠟꠣ), ꠙꠣꠘ꠆ꠖꠦꠘꠣꠝꠣ, ꠖꠣꠚꠦꠢ ꠀꠟ ꠢꠥꠎꠣꠔ ꠨ ꠢꠥꠡꠤꠅꠣꠞꠘꠣꠝꠣ ꠀꠞ ꠞꠣꠢꠣꠍꠔꠥꠟ ꠁꠍꠟꠣꠝ ⁕ ꠍꠣꠖꠦꠇ ꠀꠟꠤ ꠄ ꠢꠦꠡꠦ ꠡꠣꠟ ꠀꠞꠈꠐꠣ ꠚꠥꠕꠤ ꠟꠦꠈꠟꠣ ꠘꠛꠤꠞ ꠎꠤꠛꠘꠤ ꠟꠁꠅꠣ ꠘꠣꠝ "ꠢꠣꠟꠣꠔ-ꠃꠘ-ꠘꠛꠤ" ꠁ ꠛꠁꠅ ꠇꠤꠍꠣ ꠨ ꠇꠣꠢꠤꠘꠤꠞ ꠌꠦꠄ ꠇꠤꠔꠣꠛ ꠅꠞ ꠃꠚꠞꠦ ꠎꠧꠞ ꠖꠤꠍꠁꠘ ꠔꠣꠁꠘ ⁕ ꠅꠈꠐꠣꠃ ꠔꠣꠘ ꠡꠛꠌꠦꠅꠦ ꠘꠣꠝ ꠈꠞꠣ ꠚꠥꠕꠤ ⁕ ꠄꠞꠛꠣꠖꠦ ꠔꠣꠁꠘ ꠡꠣꠟ ꠀꠞꠈ ꠚꠥꠕꠤ ꠟꠦꠈꠍꠁꠘ ꠘꠣꠝ " ꠞꠣꠖ-ꠄ-ꠇꠥꠚꠞ (ꠇꠥꠚꠞꠤꠞ ꠎꠥꠀꠙ) ⁕

ꠢꠣꠟꠔ ꠃꠘ ꠘꠛꠤ

ꠍꠣꠖꠦꠇ ꠀꠟꠤꠞ ꠟꠦꠈꠣ ꠇꠦꠔꠣꠛ ꠢꠣꠟꠔꠥꠘ ꠘꠛꠤ ꠡꠛ꠆ꠌꠦ ꠎꠘꠙꠤꠅ ꠀꠞ ꠍꠤꠟꠐꠞ ꠊꠞꠦ ꠊꠞꠦ ꠙꠣꠅꠀ ꠎꠣꠄ ⁕^[2] ꠇꠦꠔꠣꠛ ꠢꠣꠟꠔꠥꠘ ꠘꠛꠤꠞ ꠘꠝꠥꠘꠣ ꠘꠤꠌꠦ ꠖꠦꠅꠀ ꠅꠁꠟ ⁕

⁕ ꠇꠦꠔꠣꠛ ꠢꠣꠟꠔꠥꠘ꠆ꠘꠛꠤ ⁕

xet̪ab ɦalɔt̪unnɔbi

ꠉꠚꠥꠞ ꠞꠢꠤꠝ ꠀꠟ꠆ꠟꠣ ꠇꠣꠖꠤꠞ ꠍꠥꠛꠢꠣꠘ ॥
ꠍꠤꠔꠣꠞꠣꠄ ꠈꠥꠛꠤ ꠖꠤꠟꠣ ꠡꠣꠔ ꠀꠍꠝꠣꠘ ⁕
gɔfuɾ ɾɔɦim alla xadiɾ subɔɦan,
sit̪aɾae kubi dila ʃat̪ asman.

ꠎꠝꠤꠘꠦꠞ ꠈꠥꠛꠤ ꠖꠤꠟꠣ ꠇꠔ ꠌꠤꠎꠦ ꠀꠞ ॥
ꠡꠇꠟ ꠝꠢꠔꠣꠎ ꠈꠣꠟꠤ ꠉꠘꠤ ꠙꠞꠅꠀꠞ ⁕
zɔmineɾ kubi dila xɔt̪ɔ size aɾ,
ʃɔxɔl mɔɦt̪az xali gɔni fɔɾɔaɾ.

ꠎꠝꠤꠘ ꠀꠍꠝꠣꠘ ꠎꠦꠍꠣ ꠉꠥꠘꠣ ꠇꠦꠃ ꠇꠞ ॥
ꠀꠟ꠆ꠟꠣ ꠎꠖꠤ ꠌꠣꠄ ꠔꠣꠞ ꠈꠦꠝꠣ ꠖꠤꠔꠦ ꠙꠣꠞꠦ ⁕
zɔmin asman zesa guna xeɔ xɔɾe,
alla zɔdi sae t̪aɾ xema dit̪e faɾe.

ꠀꠟ꠆ꠟꠣ ꠛꠤꠘꠦ ꠍꠣꠖꠇꠦꠞ ꠟꠇ꠆ꠇ ꠜꠤꠇ ꠘꠣꠁ ॥
ꠀꠝꠣꠞꠦ ꠡꠥꠙꠤꠍꠤ ꠀꠝꠤ ꠝꠣꠛꠥꠖꠦꠞ ꠌꠣꠁ ⁕
alla bine sadɔxeɾ lɔkkɔ bik nai,
amaɾe ʃufisi ami mabudeɾ ʈai.

ꠢꠎ꠆ꠎꠔꠦ ꠢꠥꠞꠝꠔꠦ ꠘꠛꠤ ꠝꠢꠣꠝ꠆ꠝꠖ ꠞꠍꠥꠟ ॥
ꠎꠦ ꠇꠞꠦ ꠝꠣꠛꠥꠖ ꠀꠟ꠆ꠟꠣ ꠀꠝꠣꠞ ꠇꠛꠥꠟ ⁕
izzɔt̪e ɦuɾmɔt̪e (uɾmɔt̪e) nɔbi mɔɦammɔd ɾɔsul,
ze xɔɾe mabud alla amaɾ xɔbul.

ꠀꠎꠛ ꠄꠇ ꠢꠣꠖꠤ ꠘꠛꠤ ꠇꠔ ꠉꠥꠘ ꠔꠣꠘ ॥
ꠎꠣꠞ ꠟꠣꠉꠤ ꠙꠄꠖꠣ ꠢꠁꠍꠦ ꠎꠝꠤ ꠀꠍꠝꠣꠘ ⁕
azɔb ex ɦadi (adi) nɔbi xɔt̪ɔ gun t̪an,
zaɾ lagi fɔeda ɦɔise (ɔise) zɔmi asman.

ꠟꠇ

↑ "সিলেটের নাগরী ভাষার কথকতা". Daily Manobkantha (in Bengali). Retrieved 19 March 2023."ইতিহাসবিদদের মতে, নাগরী সাহিত্যে মৌলভীবাজারের কুলাউড়ার ছাদেক আলী ছিলেন সর্বাধিক জনপ্রিয় কবি ⁕ ১৭৯৮ সালে জন্ম গ্রহণকারী ছাদেক আলী হিন্দু পরিবারে জন্মগ্রহণ করেন ⁕ তার নাম ছিল গৌড় কিশোর সেন ⁕ পরে ইসলাম ধর্মে দিক্ষিত হবার পর নাম রাখেন ছাদেক আলী ⁕ ১৮২৩ সালে তিনি মৌলভীবাজারের মুনসেফ ছিলেন ⁕"
↑ "Puthi Halot-un-Nobi by Sadek Ali". Sylheti Translation and Research. "The photograph below is the front page of the puthi 'Halot-un-Nobi' ('Account of the Prophet'), composed by Sadeq Ali (born 1800 CE, formerly known as Gouro Kishor Sen) of Daulatpur, Langla, Moulvibazar, Sylhet. 'Halot-un-Nobi', a printed puthi of 275 pages, was the most widely printed of all books in the Siloṭi Nagri script. It describes the life and times of Mohammed (R:)."