ꠍꠤꠟꠐ ꠘꠉꠞ

ꠘꠉꠞꠤꠞ ꠔꠁꠔ꠆ꠔꠊꠣꠑꠣ
⁕ ꠍꠤꠟꠐ ꠘꠉꠞ ⁕
ꠍ꠆ꠞꠤꠅꠐ꠆ꠐ ꠘꠉꠞ
ꠉꠂꠠ ꠘꠉꠞ
ꠅꠄꠛꠍꠣꠁꠐ
ꠡꠞꠇꠣꠞꠤ	scc.gov.bd
	ꠘꠉꠞꠣꠁꠘ - ꠘꠉꠞꠤꠘ - ꠘꠉꠞ

ꠁ ꠘꠣꠝꠞ ꠀꠞꠎꠣꠔꠤ ꠝꠣꠘꠤ ꠖꠦꠈ꠆ꠔꠦ ꠅꠁꠟꠦ ꠖꠥꠖꠤꠟꠣꠝꠤ ꠢꠞꠣꠘꠤꠞ ꠙꠣꠔꠣ ꠍꠤꠟꠐ ꠖꠦꠈꠂꠇ꠆ꠇꠣ

ꠍꠤꠟꠐ ꠘꠉꠞ (ꠃꠌ꠆ꠌꠣꠞꠘ : /silɔʈ nɔɡɔɾ/ ꠨ ꠡꠋꠍꠇ꠆ꠞꠤꠔ: ꠍ꠆ꠞꠤꠢꠣꠐ꠆ꠐꠣ ꠘꠣꠉꠣꠞꠣ) ꠅꠁꠟꠧ ꠛꠣꠋꠟꠣꠖꠦꠡꠞ ꠃꠔ꠆ꠔꠞ ꠙꠥꠅꠞ ꠄꠉꠥ ꠙꠥꠞꠣꠘꠣ ꠡꠅꠞ ⁕ ꠍꠤꠟꠐ ꠝꠘ꠆ꠒꠟꠤ ꠀꠞ ꠍꠤꠟꠐ ꠎꠤꠟꠣꠞ ꠝꠥꠟ ꠘꠉꠞꠤ ⁕ ꠡꠥꠞꠝꠣ ꠉꠣꠋꠉꠞ ꠚꠣꠞ ꠍꠤꠟꠐ ꠡꠖꠞ꠆ꠞꠦ ꠖꠥꠁꠜꠣꠉ ꠇꠞꠤ ꠖꠈ꠆ꠈꠤꠘ ꠡꠥꠞ꠆ꠝꠣ ꠀꠞ ꠃꠔ꠆ꠔꠞ ꠡꠥꠞ꠆ꠝꠣ ꠕꠣꠘꠣ ꠇꠞ꠆ꠍꠦ ⁕ ꠍꠤꠟꠐꠞ ꠢꠣꠅꠀꠛꠣꠔꠣꠡ ꠝꠂꠃꠡꠥꠝꠤ ꠀꠞ ꠎꠦꠉꠣ ꠃꠌꠣꠘꠤꠌꠣ ꠐꠤꠟ꠆ꠟꠣ ꠨ ꠟꠣꠝꠣꠛꠣꠄ ꠡꠥꠘꠣꠝꠉꠘ꠆ꠎꠦꠖꠤ ꠢꠝꠣꠘ ⁕ ꠍꠤꠟꠐ ꠙꠣꠌ ꠟꠣꠈꠞ ꠛꠦꠡꠤ ꠝꠣꠘꠥꠡ ꠕꠣꠈꠂꠘ ⁕ ꠍꠤꠟꠐ ꠘꠉꠞꠞ ꠁꠔꠤꠀꠡ ꠛꠃꠔ ꠙꠥꠞꠣꠘ ⁕ ꠀꠉꠞꠀꠝꠟ꠆ꠕꠘꠦ ꠍ꠆ꠞꠤꠢꠐ꠆ꠐ ꠘꠉꠞꠤꠞ ꠘꠣꠝꠒꠣꠇ ꠀꠍꠤꠟ ⁕

ꠘꠣꠝꠣꠁꠘ

ꠛꠦꠋꠉꠟꠤ ꠜꠣꠡꠣꠔ "ꠍꠤꠟꠦꠐ ꠘꠉꠞ" ꠇꠅꠀ ꠅꠄ ꠙꠇ꠆ꠞꠤꠔ ꠜꠣꠡꠣ ꠕꠘꠦ ⁕ ꠀꠞ ꠌꠣ ꠛꠣꠉꠣꠘꠞ ꠝꠥꠘ꠆ꠒꠣꠞꠤ ꠜꠣꠡꠣ ꠖꠤ ꠇꠅꠀ ꠅꠄ "ꠍꠤꠟꠢꠦꠐꠤ" ⁕ ꠎꠦꠇ꠆ꠐꠣꠕꠘꠦ ꠛꠤꠐꠤꠡꠅꠇ꠆ꠟꠦ ꠘꠣꠝ ꠘꠤꠍꠂꠘ ꠛꠤꠐꠤꠡ ꠀꠋꠞꠦꠎꠤꠔ (Silheti / Sylheti) ⁕ ꠔꠣꠞ ꠅ ꠀꠉꠦ ꠀꠛꠣꠞ ꠅꠃ ꠌꠣ ꠛꠣꠉꠣꠘꠞ ꠀꠡꠣꠝꠤ ꠇꠥꠟꠤꠅꠇꠟꠞ ꠉꠦꠍꠕꠘꠦ ꠘꠣꠝꠒꠣꠇ ꠁꠃꠞꠥꠙꠤꠀꠁꠘ꠆ꠔꠞ ꠉꠦꠍꠦ ꠟꠣꠉ꠆ꠍꠤꠟ ꠍꠤꠟ꠆ꠢꠦꠐ꠆ꠐꠤ ꠀꠞ ꠍꠤꠟ꠆ꠢꠦꠐꠤꠀ (Silhetti / Sylhetti) ⁕ ꠍꠤꠟꠐꠤꠘ꠆ꠔꠞ ꠟꠉꠦ ꠙ꠆ꠞꠣꠌꠤꠘ ꠁꠃꠞꠥꠙꠤꠀꠁꠘ꠆ꠔꠞ ꠖꠦꠈꠣ ꠝꠤꠟ꠆ꠍꠤꠟ ꠎꠣꠞꠖꠣꠄ ꠙꠥꠞꠣꠘꠣ ꠁꠃꠞꠥꠙꠤ ꠝꠦꠙꠞ ꠝꠣꠎꠦ ꠙꠣꠅꠀ ꠎꠣꠄ ꠍꠤꠞꠤꠅꠐ ꠘꠣꠝ ⁕

ꠁꠔꠤꠀꠡ

ꠍꠤꠟꠐ ꠎꠦꠟꠣꠞ ꠁꠔꠤꠢꠣꠡ ꠛꠃꠔ ꠚꠥꠞꠣꠘꠣ ⁕

ꠌꠣꠁꠘꠤꠎ ꠄꠈ ꠅꠁꠔꠤꠢꠣꠡꠤꠇ ꠄ ꠍꠤꠟꠐ ꠞꠦ ꠡꠤꠌꠣꠟꠢꠣꠔꠣꠘ ꠘꠣꠝ ꠈꠁꠍꠁꠘ ⁕ ꠍꠤꠟꠐ ꠝꠣꠘꠥꠡꠞ ꠛꠣꠡ ꠈꠅꠦꠈ ꠢꠣꠎꠣꠞ ꠛꠞꠍ ꠗꠞꠤ ꠨ ꠄꠈꠡꠝꠅ ꠍꠤꠟꠐ ꠀꠍꠤꠟ ꠇꠣꠝꠞꠥꠙ ꠞꠣꠎ꠆ꠎꠞ ꠜꠤꠔꠞꠦ ⁕ ꠛꠣꠖꠦ ꠄꠈꠡꠝꠅ ꠍꠤꠟꠐ ꠅ ꠉꠃꠞ ꠉꠧꠛꠤꠘ꠆ꠖ ꠞ ꠞꠣꠎ ꠀꠍꠤꠟ ꠨ ꠁ ꠡꠝꠅ ꠍꠤꠟꠐꠞ ꠝꠣꠘꠥꠡꠞ ꠃꠚꠞꠦ ꠈꠥꠛ ꠅꠔ꠆ꠎꠣꠌꠣꠞ ꠅꠁꠍꠦ ꠨ ꠛꠤꠡꠦꠡ ꠈꠞꠤ ꠝꠥꠍꠟꠝꠣꠘ ꠀꠞ ꠛꠁꠖ꠆ꠖ ꠅꠈꠟꠞ ꠃꠚꠞꠦ ⁕ ꠄꠞꠛꠣꠖꠦ ꠡꠣꠢ ꠎꠣꠟꠣꠟꠦ ৩৬০ ꠀꠃꠟꠤꠅꠣ ꠟꠁꠅꠣ ꠀꠁꠅꠣ ꠨ ꠍꠤꠟꠐ ꠛꠤꠎꠅ ꠈꠞꠤꠅꠣ ꠍꠤꠟꠐꠞ ꠝꠣꠘꠡꠞꠦ ꠃꠖ꠆ꠗꠣꠞ ꠈꠞꠟꠣ ⁕ ꠔꠣꠘ ꠘꠣꠝꠦ ꠄꠈꠡꠝꠅ ꠍꠤꠟꠐꠞ ꠘꠣꠝ ꠀꠍꠤꠟ ꠎꠣꠟꠣꠟꠣꠛꠣꠖ ⁕ ꠛ꠆ꠞꠤꠐꠤꠡ ꠀꠅꠅꠣꠞ ꠛꠣꠖꠦ ꠍꠤꠟꠐꠞ ꠉꠥꠞꠥꠔ꠆ꠛ ꠛꠣꠞꠤꠎꠣꠅ ꠨ ꠑꠣꠘ꠆ꠒꠣ ꠎꠣꠉꠣ ꠅꠅꠅꠣꠅ ꠍꠤꠟꠐ ꠛ꠆ꠞꠤꠐꠤꠡ ꠅꠈꠟꠞ ꠚꠍꠘ꠆ꠖ ꠅꠁꠍꠤꠟ ꠀꠞ ꠀꠡꠣꠝ ꠀꠞ ꠛꠣꠋꠟꠣꠞ ꠝꠣꠏꠦ ꠅꠅꠅꠣꠅ ꠍꠤꠟꠐ ꠀꠍꠤꠟ ꠈꠥꠛ ꠖꠞꠈꠣꠞꠤ ꠄꠈ ꠎꠣꠉꠣ ⁕ ꠛꠣꠋꠟꠣ ꠀꠞ ꠀꠡꠣꠝ ꠞꠦ ꠖꠥꠁ ꠜꠣꠉꠦ ꠛꠣꠐ ꠈꠞꠣꠞ ꠛꠣꠖꠦ ꠍꠤꠟꠐ ꠚꠞꠤ ꠎꠣꠅ ꠀꠡꠣꠝ ꠁꠇꠐꠣ ꠟꠁꠅꠣ ꠍꠤꠟꠐꠤ ꠅꠈꠟ ꠘꠣꠞꠣꠎ ꠀꠍꠟꠣ ꠨ ꠔꠃ ꠎꠈꠘ ꠛꠋꠉꠜꠋꠉ ꠅꠁꠟ ꠍꠤꠟꠐ ꠒꠥꠇꠟ ꠚꠥꠛ ꠛꠣꠋꠟꠣꠔ ⁕ ꠖꠦꠡ ꠜꠣꠉꠞ ꠡꠝꠅ ꠍꠤꠟꠐ ꠖꠥꠁ ꠐꠥꠇꠞꠣ ꠅꠁꠎꠣꠅ ꠄꠈꠜꠣꠉ ꠕꠣꠈꠦ ꠙꠣꠇꠤꠡ꠆ꠔꠣꠘ ꠀꠞꠈꠜꠣꠉ ꠁꠘ꠆ꠒꠤꠅꠣꠔ ⁕ ꠍꠤꠟꠐ ꠎꠦꠟꠣ ꠙꠣꠇꠤꠡ꠆ꠔꠣꠘ ꠅ ꠀꠅ ⁕ ১৯৭১ ꠞ ꠡꠋꠉ꠆ꠞꠣꠝ ꠅ ꠍꠤꠟꠐꠤ ꠅꠈꠟꠞ ꠜꠥꠝꠤꠇꠣ ꠀꠍꠤꠟ ꠨ ꠡꠋꠉ꠆ꠞꠣꠝꠞ ꠡꠝꠅ ꠎꠦꠘꠣꠞꠦꠟ ꠀꠍꠟꠣ ꠍꠤꠟꠐꠞ ꠃꠡꠝꠣꠘꠤ ꠨ ꠀꠞ ꠖꠦꠡ ꠅꠞ ꠚꠅꠟꠣ ꠡꠣꠖꠤꠘ ꠕꠣꠘꠣ ꠅꠁꠟ ꠍꠤꠟꠐ ꠎꠦꠟꠣꠞ ꠎꠇꠤꠉꠘꠎ ꠕꠣꠘꠣ ⁕

ꠙꠡꠣꠡꠘ

ꠙꠄꠡꠣꠇꠠꠤ

ꠍꠤꠟꠐ ꠅ ꠛꠃꠔ ꠍꠣ ꠛꠣꠉꠣꠘ ꠀꠍꠦ ꠨ ꠉꠦꠡ ꠚꠤꠟ꠆ꠒ ꠅ ꠛꠣꠇ꠆ꠇꠣ ⁕ ꠀꠞ ꠟꠘ꠆ꠒꠘꠤ ꠅꠈꠟꠦ ꠢꠣꠞꠣ ꠛꠍꠞ ꠛꠃꠔ ꠐꠦꠈꠣ ꠖꠦꠡ ꠚꠣꠐꠣꠁꠘ ⁕

ꠇꠤꠡ꠆ꠐꠤ ꠇꠣꠟꠌꠣꠞ

ꠈꠦꠁꠠ

ꠇ꠆ꠞꠤꠇꠦꠐ ꠈꠦꠁꠠ ꠡꠛꠌꠣꠁꠔꠦ ꠜꠣꠟꠣꠚꠣꠁꠘ ꠍꠤꠟꠐꠞ ꠝꠣꠘꠡꠦ ꠨ ꠚꠥꠐꠛꠟ ꠅ ꠙꠙꠥꠟꠣꠞ ⁕ꠁꠔꠣꠞ ꠛꠣꠁꠞꠣ ꠛꠦꠒꠝꠤꠘ꠆ꠐꠘ ꠨ ꠇꠣꠛꠣꠒꠤ ꠨ ꠉꠣꠚꠟꠣ ꠨ ꠘꠃꠇꠣ ꠛꠣꠁꠍ ꠨ ꠜꠟꠤꠛꠟ ꠈꠦꠟꠣꠅ ꠎꠘꠙ꠆ꠞꠤꠅ ⁕ ꠍꠤꠟꠐ ꠁꠘ꠆ꠐꠣꠞꠘꠦꠡꠘꠣꠟ ꠇ꠆ꠞꠤꠇꠦꠐ ꠁꠡ꠆ꠐꠦꠒꠤꠀꠝ ꠅꠁꠟ ꠍꠤꠟꠐ ꠇ꠆ꠞꠤꠇꠦꠐ ꠈꠦꠟꠣꠞ ꠝꠦꠁꠘ ꠝꠣꠑ ꠨ ꠀꠞ ꠚꠥꠐꠛꠟ ꠅꠞ ꠟꠣꠉꠤ ꠍꠤꠟꠐ ꠎꠦꠟꠣ ꠁꠡ꠆ꠐꠦꠒꠤꠀꠝ ⁕ ꠁꠘꠒꠧꠞ ꠈꠦꠟꠣ ꠅꠄ ꠀꠛꠥꠟ ꠝꠣꠟ ꠀꠛ꠆ꠖꠥꠟ ꠝꠥꠢꠤꠔ ꠇ꠆ꠞꠤꠠꠣ ꠇꠝ꠆ꠙꠟꠦꠇꠍ ꠅ ⁕ ꠍꠤꠟꠐ ꠉꠟꠚ ꠇꠧꠞ꠆ꠍ ꠅ ꠀꠍꠦ ⁕