ꠍꠤꠟꠐ ꠝꠘ꠆ꠒꠟ

ꠝꠘ꠆ꠒꠟꠞ ꠔꠁꠔ꠆ꠔꠊꠣꠑꠣ
⁕ ꠍꠤꠟꠐ ꠝꠘ꠆ꠒꠟ ⁕
ꠍ꠆ꠞꠤꠅꠐ꠆ꠐ ꠝꠘ꠆ꠒꠟ
ꠅꠄꠛꠍꠣꠁꠐ
ꠡꠞꠇꠣꠞꠤ	sylhetdiv.gov.bd
	ꠝꠘ꠆ꠒꠣꠟꠣ - ꠝꠘ꠆ꠒꠟ - ꠛꠤꠜꠣꠉ

ꠍꠤꠟꠐ ꠝꠘ꠆ꠒꠟ (ꠡꠋꠍꠇ꠆ꠞꠤꠔ: ꠍ꠆ꠞꠤꠢꠣꠐ꠆ꠐꠣ ꠝꠣꠘ꠆ꠒꠣꠟꠣ, ꠛꠦꠋꠉꠟꠤ: সিলেট বিভাগ) ꠅꠁꠟ ꠛꠣꠋꠟꠣꠖꠦꠡ ꠅꠞ ꠝꠣꠎꠦ ꠄꠈꠐꠣ ꠛꠤꠜꠣꠢ ⁕ ꠁ ꠛꠤꠜꠣꠉ ꠖꠦꠡꠞ ꠃꠔ꠆ꠞ ꠚꠥꠛꠦ ꠚꠠꠍꠦ ⁕ ꠍꠤꠟꠐꠞ ꠚꠥꠛꠦ ꠁꠘ꠆ꠒꠤꠅꠣꠞ ꠀꠡꠣꠝꠞ ꠇꠞꠤꠝꠉ꠆ꠘꠎ, ꠖꠇꠘꠦ ꠁꠘ꠆ꠒꠤꠀꠞ ꠔ꠆ꠞꠤꠙꠥꠞꠣ, ꠃꠔꠞꠦ ꠁꠘ꠆ꠒꠤꠀꠞ ꠝꠦꠊꠣꠟꠄ ꠀꠞ ꠚꠁꠍꠝꠦ ꠖꠤ ꠛꠣꠋꠟꠣꠖꠦꠡꠞ ꠘꠦꠔ꠆ꠞꠇꠥꠘꠣ ꠀꠞ ꠛ꠆ꠞꠣꠝꠘꠛꠣꠠꠤꠀ ꠎꠦꠟꠣ ꠚꠠꠍꠦ ⁕ ꠍꠣ ꠀꠞ ꠉꠦꠡ ꠍꠤꠟꠐ ꠙ꠆ꠞꠌꠥꠞ ꠚꠣꠅꠀ ꠎꠣꠄ ⁕ ꠍꠤꠟꠐ ꠛꠤꠜꠣꠉ ꠅ ꠎꠤꠟꠣ ⁕ ꠛꠤꠜꠣꠉꠞ ꠝꠦꠁꠘ ꠐꠣꠃꠘ ꠅꠁꠟ ꠍꠤꠟꠐ ⁕

ꠁꠔꠤꠀꠡ

ꠍꠤꠟꠐ ꠎꠦꠟꠣꠞ ꠁꠔꠤꠀꠡ ꠛꠃꠔ ꠚꠥꠞꠣꠘꠣ ⁕ ꠌꠣꠁꠘꠤꠎ ꠄꠈ ꠅꠁꠔꠤꠢꠣꠡꠤꠇꠦ ꠍꠤꠟꠐꠞꠦ ꠡꠤꠌꠣꠟꠢꠣꠔꠣꠘ ꠘꠣꠝ ꠈꠁꠍꠁꠘ ⁕ ꠍꠤꠟꠐ ꠝꠣꠘꠥꠡꠞ ꠛꠣꠡ ꠈꠅꠦꠈ ꠢꠣꠎꠣꠞ ꠛꠞꠍ ꠗꠞꠤ, ꠄꠈꠡꠝꠅ ꠍꠤꠟꠐ ꠀꠍꠤꠟ ꠇꠣꠝꠞꠥꠙ ꠞꠣꠎ꠆ꠎꠞ ꠜꠤꠔꠞꠦ ⁕ ꠛꠣꠖꠦ ꠄꠈꠡꠝꠅ ꠍꠤꠟꠐ ꠅ ꠉꠃꠞ ꠉꠧꠛꠤꠘ꠆ꠖ ꠞ ꠞꠣꠎ ꠀꠍꠤꠟ, ꠁ ꠡꠝꠅ ꠍꠤꠟꠐꠞ ꠝꠣꠘꠥꠡꠞ ꠃꠚꠞꠦ ꠈꠥꠛ ꠅꠔ꠆ꠎꠣꠌꠣꠞ ꠅꠁꠍꠦ, ꠛꠤꠡꠦꠡ ꠈꠞꠤ ꠝꠥꠍꠟꠝꠣꠘ ꠀꠞ ꠛꠁꠖ꠆ꠖ ꠅꠈꠟꠞ ꠃꠚꠞꠦ ⁕ ꠄꠞꠛꠣꠖꠦ ꠡꠣꠢ ꠎꠣꠟꠣꠟꠦ ꠀꠃꠟꠤꠅꠣ ꠟꠁꠅꠣ ꠀꠁꠅꠣ, ꠍꠤꠟꠐ ꠛꠤꠎꠅ ꠈꠞꠤꠅꠣ ꠍꠤꠟꠐꠞ ꠝꠣꠘꠡꠞꠦ ꠃꠖ꠆ꠗꠣꠞ ꠈꠞꠟꠣ ⁕ ꠔꠣꠘ ꠘꠣꠝꠦ ꠄꠈꠡꠝꠅ ꠍꠤꠟꠐꠞ ꠘꠣꠝ ꠀꠍꠤꠟ ꠎꠣꠟꠣꠟꠣꠛꠣꠖ ⁕ ꠛ꠆ꠞꠤꠐꠤꠡ ꠀꠅꠅꠣꠞ ꠛꠣꠖꠦ ꠍꠤꠟꠐꠞ ꠉꠥꠞꠥꠔ꠆ꠛ ꠛꠣꠞꠤꠎꠣꠅ, ꠑꠣꠘ꠆ꠒꠣ ꠎꠣꠉꠣ ꠅꠅꠅꠣꠅ ꠍꠤꠟꠐ ꠛ꠆ꠞꠤꠐꠤꠡ ꠅꠈꠟꠞ ꠚꠍꠘ꠆ꠖ ꠅꠁꠍꠤꠟ ꠀꠞ ꠀꠡꠣꠝ ꠀꠞ ꠛꠣꠋꠟꠣꠞ ꠝꠣꠏꠦ ꠅꠅꠅꠣꠅ ꠍꠤꠟꠐ ꠀꠍꠤꠟ ꠈꠥꠛ ꠖꠞꠈꠣꠞꠤ ꠄꠈ ꠎꠣꠉꠣ ⁕ ꠛꠣꠋꠟꠣ ꠀꠞ ꠀꠡꠣꠝ ꠞꠦ ꠖꠥꠁ ꠜꠣꠉꠦ ꠛꠣꠐ ꠈꠞꠣꠞ ꠛꠣꠖꠦ ꠍꠤꠟꠐ ꠚꠞꠤ ꠎꠣꠅ ꠀꠡꠣꠝ ꠁꠇꠐꠣ ꠟꠁꠅꠣ ꠍꠤꠟꠐꠤ ꠅꠈꠟ ꠘꠣꠞꠣꠎ ꠀꠍꠟꠣ, ꠔꠃ ꠎꠈꠘ ꠛꠋꠉꠜꠋꠉ ꠅꠁꠟ ꠍꠤꠟꠐ ꠒꠥꠇꠟ ꠚꠥꠛ ꠛꠣꠋꠟꠣꠔ ⁕ ꠖꠦꠡ ꠜꠣꠉꠞ ꠡꠝꠅ ꠍꠤꠟꠐ ꠖꠥꠁ ꠐꠥꠇꠞꠣ ꠅꠁꠎꠣꠅ ꠄꠈꠜꠣꠉ ꠕꠣꠈꠦ ꠙꠣꠇꠤꠡ꠆ꠔꠣꠘ ꠀꠞꠈꠜꠣꠉ ꠁꠘ꠆ꠒꠤꠅꠣꠔ ⁕ ꠍꠤꠟꠐ ꠎꠦꠟꠣ ꠙꠣꠇꠤꠡ꠆ꠔꠣꠘ ꠅ ꠀꠅ ⁕ ꠞ ꠡꠋꠉ꠆ꠞꠣꠝ ꠅ ꠍꠤꠟꠐꠤ ꠅꠈꠟꠞ ꠜꠥꠝꠤꠇꠣ ꠀꠍꠤꠟ, ꠡꠋꠉ꠆ꠞꠣꠝꠞ ꠡꠝꠅ ꠎꠦꠘꠣꠞꠦꠟ ꠀꠍꠟꠣ ꠍꠤꠟꠐꠞ ꠃꠡꠝꠣꠘꠤ, ꠀꠞ ꠖꠦꠡ ꠅꠞ ꠚꠅꠟꠣ ꠡꠣꠖꠤꠘ ꠕꠣꠘꠣ ꠅꠁꠟ ꠍꠤꠟꠐ ꠎꠦꠟꠣꠞ ꠎꠇꠤꠉꠘꠎ ꠕꠣꠘꠣ ⁕

ꠙ꠆ꠞꠡꠣꠡꠘ

ꠘꠣꠝ	ꠝꠦꠁꠘ ꠐꠣꠃꠘ	ꠄꠞꠤꠀ (km²)	ꠝꠣꠘꠥꠡꠋꠈꠣ 1991 Census	ꠝꠣꠘꠥꠡꠋꠈꠣ 2001 Census	ꠝꠣꠘꠥꠡꠋꠈꠣ 2011 Census
ꠢꠛꠤꠉꠘ꠆ꠎ ꠎꠤꠟꠣ	ꠅꠛꠤꠉꠘꠎ	2,536.58	1,526,609	1,757,665	2,089,001
ꠝꠟꠜꠤꠛꠣꠎꠣꠞ ꠎꠤꠟꠣ	ꠝꠥꠟꠤꠛꠣꠎꠣꠞ	2,601.84	1,376,566	1,612,374	1,919,062
ꠡꠥꠘꠣꠝꠉꠘ꠆ꠎ ꠎꠤꠟꠣ	ꠡꠥꠘꠣꠝꠉꠘꠎ ꠎꠦꠟꠣ	3,669.58	1,708,563	2,013,738	2,467,968
ꠍꠤꠟꠐ ꠎꠤꠟꠣ	ꠍꠤꠟꠐ	3,490.40	2,153,301	2,555,566	3,434,188
ꠀꠍ꠆ꠔꠣ ꠎꠤꠟꠣ	ꠍꠤꠟꠐ	12,298.4	6,765,039	7,939,343	9,910,219