ꠖꠤꠘꠧꠍꠣꠃꠞ
| ꠍꠛꠤ |  |
|---|---|
| ꠎꠦ ꠎꠤꠘꠤꠡꠞ | taxon ꠨ clade |
| ꠀꠞꠝ꠆ꠛꠞ ꠡꠝꠄ |    years BCE |
| ꠔꠟꠞ | Animalia ꠨ Reptilia |
| ꠃꠌ꠆ꠌꠣꠞꠘꠇꠞꠤ ꠢꠥꠘꠣ | |
| taxon name | Dinosauria |
| taxon rank | superorder |
| parent taxon | Dracohors |
| taxon common name | ਡਾਇਨਾਸੌਰ ꠨ ڈائناسور ꠨ ڈائناسر ꠨ ڈائنوسار |
| temporal range end | no value |
| temporal range start | Carnian ꠨ Triassic |
| this taxon is source of | dinosaur footprint ꠨ dinosaur fossil |
| ꠟꠦꠈꠣ ꠙꠠꠣꠞ ꠅꠒꠤꠅ | |
| ꠙꠠꠤꠀꠖꠦꠈꠣ ꠅꠄ ꠎꠦꠘꠅ | dinosaur paleontology |
| ꠢꠦꠡꠐꠦꠉ | dinosaurs ꠨ dinosaur |
ꠖꠤꠘꠧꠍꠣꠃꠞ,[lower-alpha 1] ꠒꠣꠁꠘꠧꠍꠞ ꠛꠣ ꠜꠤꠝꠡꠞꠐ[lower-alpha 2] ꠅꠁꠟ ꠉꠞꠝ ꠞꠇ꠆ꠔꠛꠤꠡꠤꠡ꠆ꠐ ꠡꠞꠤꠡ꠆ꠞꠤꠙꠢꠇꠟꠞ ꠄꠇꠐꠣ ꠅꠔꠤ ꠛꠂꠌꠤꠔ꠆ꠞꠝꠄ ꠉꠥꠡ꠆ꠑꠤ꠫ ꠔꠣꠞꠣ ꠝꠦꠍꠧꠎꠧꠁꠇ ꠀꠝꠟꠞ ꠅꠗꠤꠇꠣꠋꠡ ꠡꠝꠄ ꠙ꠆ꠞꠤꠕꠤꠛꠤꠔ ꠛꠤꠖ꠆ꠖꠝꠣꠘ ꠀꠍꠤꠟ ꠄꠛꠋ ꠙꠄꠟꠣ ꠀꠛꠤꠞ꠆ꠜꠥꠔ ꠅꠁꠍꠤꠟ ꠔ꠆ꠞꠤꠀꠍꠤꠇ ꠙꠞ꠆ꠛꠞ ꠡꠥꠞꠥꠔꠦ꠫ ꠙ꠆ꠞꠣꠄ ২০১.৩ ꠝꠤꠟꠤꠅꠘ ꠛꠍꠞ ꠀꠉꠦ ꠡꠋꠊꠐꠤꠔ ꠔ꠆ꠞꠤꠀꠍꠤꠇ–ꠁꠃꠞꠣꠍꠤꠇ ꠛꠤꠟꠥꠙ꠆ꠔꠤ ꠊꠐꠘꠣꠞ ꠙꠞꠦ ꠔꠣꠞꠣ ꠡ꠆ꠕꠟꠜꠣꠉꠞ ꠙ꠆ꠞꠗꠣꠘ ꠝꠦꠞꠥꠖꠘ꠆ꠒꠤ ꠙ꠆ꠞꠣꠘꠤꠔꠦ ꠙꠞꠤꠘꠔ ꠅꠁꠍꠤꠟ ꠄꠛꠋ ꠁꠃꠞꠣꠍꠤꠇ ꠀꠞ ꠇ꠆ꠞꠦꠔꠣꠇꠤ ꠎꠥꠉ ꠎꠥꠠꠤꠀ ꠔꠣꠞꠣꠞ ꠀꠗꠤꠙꠂꠔ꠆ꠔ ꠛꠎꠣꠄ ꠕꠣꠇꠍꠤꠟ꠫ ꠎꠤꠛꠣꠡ꠆ꠝ ꠙ꠆ꠞꠝꠣꠘ ꠕꠣꠇꠤ ꠎꠣꠘꠣ ꠎꠣꠄ ꠎꠦ ꠙꠣꠈꠤꠀꠁꠘ ꠙꠣꠟꠇꠎꠥꠇ꠆ꠔ ꠖꠤꠘꠧꠍꠣꠃꠞ ꠄꠛꠋ ꠔꠣꠞꠣ ꠁꠃꠞꠣꠍꠤꠇ ꠎꠥꠉꠞ ꠢꠦꠡꠜꠣꠉꠧ ꠙꠥꠞ꠆ꠛꠛꠞ꠆ꠔꠤ ꠕꠦꠞꠧꠙꠖ ꠖꠤꠘꠧꠍꠣꠃꠞ ꠕꠣꠇꠤ ꠛꠤꠛꠞ꠆ꠔꠤꠔ ꠅꠁꠍꠦ꠫ ꠇ꠆ꠞꠦꠔꠣꠇꠤ–ꠙꠣꠄꠟꠦꠅꠉꠦꠘꠤ ꠛꠤꠟꠥꠙ꠆ꠔꠤ ꠊꠐꠘꠣꠞ (ꠙ꠆ꠞꠣꠄ ৬৬ ꠝꠤꠟꠤꠅꠘ ꠛꠍꠞ ꠀꠉꠦ) ꠛꠣꠖꠦ ꠐꠤꠇꠤꠀ ꠕꠣꠇꠣ ꠄꠇꠝꠣꠔ꠆ꠞ ꠖꠤꠘꠧꠍꠣꠃꠞꠤ ꠛꠋꠡꠗꠣꠞꠣ ꠅꠁꠟ ꠙꠣꠈꠤꠀ꠫ ꠚꠟꠦ ꠖꠤꠘꠧꠍꠣꠃꠞꠢꠇꠟꠞꠦ ꠖꠥꠁ ꠜꠣꠉꠦ ꠜꠣꠉ ꠇꠞꠣ ꠎꠣꠄ—ꠙꠣꠈꠤꠅ ꠖꠤꠘꠧꠍꠣꠃꠞ (ꠅꠞ꠆ꠕꠣꠔ ꠙꠣꠈꠤꠀ) ꠄꠛꠋ ꠅ-ꠙꠣꠈꠤꠅ ꠖꠤꠘꠧꠍꠣꠃꠞ, ꠎꠣꠞ ꠝꠣꠏꠦ ꠙꠣꠈꠤꠀ ꠍꠣꠠꠣ ꠢꠇꠟ ꠖꠤꠘꠧꠍꠣꠃꠞ ꠅꠘ꠆ꠔꠞ꠆ꠜꠥꠇ꠆ꠔ꠫
ꠡ꠆ꠞꠦꠘꠤꠛꠤꠘ꠆ꠘꠣꠡ, ꠖꠦꠢꠉꠑꠘ ꠄꠛꠋ ꠙꠞꠤꠛꠦꠡꠉꠔ ꠜꠥꠝꠤꠇꠣꠞ ꠖꠤꠇ ꠕꠣꠇꠤꠀ ꠖꠤꠘꠧꠍꠣꠃꠞ ꠀꠍꠤꠟ ꠈꠥꠛ ꠛꠂꠌꠤꠔ꠆ꠞꠝꠄ꠫ ꠛꠞ꠆ꠔꠝꠣꠘꠦ ꠎꠤꠔꠣ ১১,০০০-ꠞꠅ ꠛꠦꠡꠤ ꠙ꠆ꠞꠎꠣꠔꠤꠞ ꠙꠣꠈꠤꠀ ꠝꠦꠞꠥꠖꠘ꠆ꠒꠤ ꠙ꠆ꠞꠣꠘꠤꠢꠇꠟꠞ ꠡꠛ ꠕꠣꠇꠤ ꠛꠤꠌꠤꠟ꠆ꠞ ꠉꠥꠡ꠆ꠑꠤꠉꠥꠁꠘ꠆ꠔꠞ ꠄꠇꠐꠣ꠫ ꠎꠤꠛꠣꠡ꠆ꠝ ꠙ꠆ꠞꠝꠣꠘꠞ ꠜꠤꠔ꠆ꠔꠤꠔꠦ ꠎꠤꠛꠣꠡ꠆ꠝꠛꠤꠖꠢꠇꠟꠦ ৯০০-ꠞꠅ ꠛꠦꠡꠤ ꠡ꠆ꠅꠔꠘ꠆ꠔ꠆ꠞ ꠉꠘ (genus) ꠄꠛꠋ ১,০০০-ꠞꠅ ꠛꠟꠘ ꠅ-ꠙꠣꠈꠤꠅ ꠖꠤꠘꠧꠍꠣꠃꠞ ꠙ꠆ꠞꠎꠣꠔꠤ ꠡꠘꠣꠇ꠆ꠔ ꠇꠞꠍꠂꠘ꠫ ꠛꠤꠋꠡ ꠡꠔꠣꠛ꠆ꠖꠤꠞ ꠅꠗꠤꠇꠣꠋꠡ ꠡꠝꠄ ꠛꠤꠉ꠆ꠉꠣꠘꠤꠢꠇꠟꠦ ꠝꠘꠧ ꠇꠞꠔꠣ ꠎꠦ ꠖꠤꠘꠧꠍꠣꠃꠞ ꠀꠍꠤꠟ ꠗꠤꠞꠉꠔꠤꠞ ꠀꠞ ꠑꠣꠘ꠆ꠒꠣ-ꠞꠇ꠆ꠔꠛꠤꠡꠤꠡ꠆ꠐ ꠙ꠆ꠞꠣꠘꠤ꠫ ꠅꠁꠟꠦ ১৯৭০-ꠞ ꠖꠡꠇ ꠕꠣꠇꠤ ꠙꠞꠤꠌꠣꠟꠤꠔ ꠛꠦꠡꠤꠞꠜꠣꠉ ꠉꠛꠦꠡꠘꠣꠄ ꠁꠋꠉꠤꠔ ꠇꠞꠦ ꠎꠦ ꠔꠣꠞꠣ ꠀꠍꠤꠟ ꠡꠇ꠆ꠞꠤꠅ ꠙ꠆ꠞꠣꠘꠤ, ꠎꠣꠞꠣꠞ ꠛꠤꠙꠣꠇꠇ꠆ꠞꠤꠀ ꠔꠥꠟꠘꠣꠝꠥꠟꠇꠜꠣꠛꠦ ꠃꠌ꠆ꠌ ꠀꠍꠤꠟ ꠄꠛꠋ ꠡꠣꠝꠣꠎꠤꠇ ꠀꠌꠞꠘꠞ ꠟꠣꠉꠤ ꠘꠣꠘꠣ ꠅꠜꠤꠎꠥꠎꠘ ꠛꠤꠖ꠆ꠖꠝꠣꠘ ꠀꠍꠤꠟ꠫ ꠙ꠆ꠞꠝꠣꠘ ꠕꠣꠇꠤ ꠀꠞꠧ ꠎꠣꠘꠣ ꠎꠣꠄ ꠎꠦ ꠡꠛ ꠖꠤꠘꠧꠍꠣꠃꠞꠞ ꠙꠣꠅ ꠡꠞꠤꠟꠞ ꠘꠤꠌꠦ ꠡꠥꠎꠣꠜꠣꠛꠦ ꠅꠛꠡ꠆ꠕꠣꠘ ꠇꠞꠔ, ꠎꠦꠇꠐꠣ ꠀꠗꠥꠘꠤꠇ ꠙꠣꠈꠤꠀ ꠀꠞ ꠛꠃꠔ ꠡ꠆ꠔꠘ꠆ꠘꠙꠣꠁ ꠙ꠆ꠞꠣꠘꠤꠞ ꠟꠣꠇꠣꠘ꠫
ꠇꠤꠍꠥ ꠖꠤꠘꠧꠍꠣꠃꠞ ꠀꠍꠤꠟ ꠊꠣꠡꠈꠣꠅꠞꠣ, ꠀꠛꠣꠞ ꠇꠤꠍꠥ ꠀꠍꠤꠟ ꠝꠣꠋꠡꠈꠣꠅꠞꠣ꠫ ꠙ꠆ꠞꠝꠣꠘ ꠁꠋꠉꠤꠔ ꠇꠞꠦ ꠎꠦ ꠡꠛ ꠖꠤꠘꠧꠍꠣꠃꠞꠃ ꠄꠘ꠆ꠒꠣ ꠙꠣꠠꠔ ꠄꠛꠋ ꠛꠣꠡꠣ ꠛꠣꠘꠣꠘꠤꠞ ꠀꠌꠞꠘ ꠙꠣꠈꠤꠅ ꠀꠞ ꠀ-ꠙꠣꠈꠤꠅ ꠃꠜꠄ ꠗꠞꠘꠞ ꠖꠤꠘꠧꠍꠣꠃꠞꠞ ꠝꠣꠏꠦꠃ ꠖꠦꠈꠣ ꠎꠣꠁꠔ꠫ ꠎꠥꠖꠤꠅ ꠙ꠆ꠞꠣꠞꠝ꠆ꠜꠤꠇ ꠖꠤꠘꠧꠍꠣꠃꠞꠢꠇꠟ ꠀꠍꠤꠟ ꠖꠥꠁꠙꠣꠄꠀ, ꠙꠞꠛꠞ꠆ꠔꠤꠇꠣꠟꠧ ꠛꠃꠔ ꠛꠤꠟꠥꠙ꠆ꠔ ꠉꠥꠡ꠆ꠑꠤꠔ ꠌꠣꠁꠞꠙꠣꠄꠀ ꠙ꠆ꠞꠎꠣꠔꠤꠞ ꠃꠖ꠆ꠜꠛ ꠊꠐꠍꠤꠟ ꠄꠛꠋ ꠇꠤꠍꠥ ꠙ꠆ꠞꠎꠣꠔꠤ ꠙ꠆ꠞꠁꠃꠎꠘꠦ ꠖꠥꠁ ꠜꠋꠉꠤꠞ ꠝꠣꠏꠦꠃ ꠌꠟꠣꠚꠤꠞꠣ ꠇꠞꠔ ꠙꠣꠞꠔ꠫ ꠢꠤꠋ, ꠏꠥꠘ꠆ꠐꠤ (crest), ꠅꠡ꠆ꠕꠤ-ꠛꠞ꠆ꠝ ꠄꠛꠋ ꠇꠣꠐꠣꠞ ꠟꠣꠇꠣꠘ ꠎꠐꠤꠟ ꠙ꠆ꠞꠖꠞ꠆ꠡꠘꠝꠥꠟꠇ ꠉꠑꠘ ꠛꠤꠜꠤꠘ꠆ꠘ ꠖꠤꠘꠧꠍꠣꠃꠞ ꠉꠥꠡ꠆ꠑꠤꠔ ꠛꠤꠇꠡꠤꠔ ꠅꠁꠍꠤꠟ꠫ ꠃꠠꠣꠟꠞ ꠡꠤꠝꠣꠛꠖ꠆ꠗꠔꠣꠞ ꠇꠣꠞꠘꠦ ꠀꠗꠥꠘꠤꠇ ꠙꠣꠈꠤꠀꠢꠇꠟ ꠡꠣꠗꠣꠞꠘꠔ ꠀꠇꠣꠞꠦ ꠚꠥꠞꠥ ꠅꠁꠟꠦꠅ ꠛꠃꠔ ꠅ-ꠙꠣꠈꠤꠅ ꠖꠤꠘꠧꠍꠣꠃꠞ ꠀꠍꠤꠟ ꠛꠤꠡꠣꠟꠖꠦꠢꠤ꠫ ꠛ꠆ꠞꠤꠢꠔ꠆ꠔꠝ ꠍꠣꠃꠞꠧꠙꠖ ꠖꠤꠘꠧꠍꠣꠃꠞꠢꠇꠟꠞ ꠟꠣꠝ꠆ꠛꠣꠁ ꠙ꠆ꠞꠣꠄ ৩৯.৭ ꠝꠤꠐꠣꠞ ꠄꠛꠋ ꠃꠌ꠆ꠌꠔꠣ ꠙ꠆ꠞꠣꠄ ১৮ ꠝꠤꠐꠣꠞ ꠙꠞ꠆ꠎꠘ꠆ꠔ ꠙꠧꠃꠍꠤꠍꠤꠟ ꠛꠟꠤꠀ ꠗꠣꠞꠘꠣ ꠇꠞꠣ ꠅꠄ, ꠎꠣ ꠔꠣꠞꠣꠞꠦ ꠙ꠆ꠞꠤꠕꠤꠛꠤꠞ ꠁꠔꠤꠢꠣꠡꠞ ꠡꠞ꠆ꠛꠛ꠆ꠞꠤꠢꠔ ꠡ꠆ꠕꠟꠌꠞ ꠙ꠆ꠞꠣꠘꠤꠢꠇꠟꠞ ꠝꠣꠏꠦ ꠎꠣꠉꠣ ꠖꠤꠍꠦ꠫
ꠃꠘꠛꠤꠋꠡ ꠡꠔꠣꠛ꠆ꠖꠤꠞ ꠡꠥꠞꠥꠔꠦ ꠙꠄꠟꠣ ꠖꠤꠘꠧꠍꠣꠃꠞ ꠎꠤꠛꠣꠡ꠆ꠡ ꠛꠂꠉ꠆ꠉꠣꠘꠤꠇꠜꠣꠛꠦ ꠡꠘꠣꠇ꠆ꠔ ꠇꠞꠣ ꠅꠄ꠫ ১৮৪২ ꠡꠘꠧ ꠍꠣꠞ ꠞꠤꠌꠣꠞ꠆ꠒ ꠅꠅꠦꠘ “ꠖꠤꠘꠧꠍꠣꠃꠞ” ꠘꠣꠝꠓꠣꠘ ꠙ꠆ꠞꠛꠞ꠆ꠔꠘ ꠇꠞꠂꠘ, ꠎꠣꠞ ꠝꠣꠘꠦ “ꠜꠄꠀꠘꠇ ꠉꠤꠞꠉꠤꠐꠤ” ꠛꠣ “ꠜꠄꠀꠘꠇ ꠐꠤꠇꠐꠤꠇꠤ”꠫ ꠄꠞ ꠙꠞ ꠕꠣꠇꠤ ꠖꠤꠘꠧꠍꠣꠃꠞꠞ ꠎꠤꠛꠣꠡ꠆ꠡ ꠇꠋꠇꠣꠟ ꠖꠥꠘꠤꠀꠞ ꠛꠤꠜꠤꠘ꠆ꠘ ꠎꠣꠖꠥꠊꠞꠞ ꠙ꠆ꠞꠗꠣꠘ ꠀꠇꠞ꠆ꠡꠘꠦ ꠙꠞꠤꠘꠔ ꠅꠁꠍꠦ ꠄꠛꠋ ꠎꠘꠙ꠆ꠞꠤꠅ ꠡꠋꠡ꠆ꠇ꠆ꠞꠤꠔꠤꠔꠅ ꠖꠤꠘꠧꠍꠣꠃꠞ ꠡ꠆ꠕꠣꠁ ꠎꠣꠉꠣ ꠖꠈꠟ ꠇꠞꠍꠦ꠫ ꠎꠥꠞꠣꠍꠤꠇ ꠙꠣꠞ꠆ꠇ ꠍꠤꠞꠤꠎꠞ ꠟꠣꠇꠣꠘ ꠎꠘꠙ꠆ꠞꠤꠅ ꠛꠁ ꠀꠞ ꠍꠤꠘꠦꠝꠣꠔ ꠔꠣꠞꠣꠞꠦ ꠘꠤꠅꠝꠤꠔ ꠃꠙꠡ꠆ꠕꠤꠔꠤꠄ ꠁ ꠎꠘꠙ꠆ꠞꠤꠅꠔꠣꠞꠦ ꠀꠞꠧ ꠛꠣꠠꠣꠁꠍꠦ꠫ ꠎꠘꠡꠣꠗꠣꠞꠘꠞ ꠛꠣꠠꠘꠔ ꠀꠉ꠆ꠞꠢ ꠖꠤꠘꠧꠍꠣꠃꠞ ꠉꠛꠦꠡꠘꠣꠞ ꠟꠣꠉꠤ ꠃꠟ꠆ꠟꠦꠈꠎꠥꠁꠉ꠆ꠉ ꠅꠞ꠆ꠕꠣꠄꠅꠘ ꠘꠤꠡ꠆ꠌꠤꠔ ꠇꠞꠍꠦ꠫ ꠄꠛꠋ ꠘꠄꠀ ꠀꠛꠤꠡ꠆ꠇꠣꠞꠉꠥꠁꠘꠅ ꠘꠤꠅꠝꠤꠔꠜꠣꠛꠦ ꠉꠘꠝꠣꠁꠖ꠆ꠗꠝꠧ ꠙ꠆ꠞꠇꠣꠡꠤꠔ ꠅꠄ꠫
- ↑ ꠐꠦꠝ꠆ꠙꠟꠦꠐ:Langx, pronounced [diːnɔˈsau̯rʊs]; ꠐꠦꠝ꠆ꠙꠟꠦꠐ:Langx, Bengali pronunciation: [d̪inosau̯ɾ]।
- ↑ ꠐꠦꠝ꠆ꠙꠟꠦꠐ:Langx, Sanskrit pronunciation: [bʱiːmɐsɐɾɐʈɐ]; ꠐꠦꠝ꠆ꠙꠟꠦꠐ:Langx, pronounced [bʱimʃɔɾɔʈ]; ꠐꠦꠝ꠆ꠙꠟꠦꠐ:Langx, ꠐꠦꠝ꠆ꠙꠟꠦꠐ:Langx, pronounced [bʱiːmsəɾəʈ]।
