ꠘꠞꠅꠦꠔ ꠢꠣꠟꠟꠣꠉꠟꠟꠣ

ꠘꠞꠅꠦꠔ ꠢꠣꠟꠟꠣꠉꠟꠟꠣ ꠚꠁꠟꠛꠣꠞꠇꠥꠞ ꠝꠔꠘ ꠅꠞ ꠖꠡꠇꠅ ꠡꠥꠞꠥ ꠅꠁꠍꠤꠟ ⁕ ꠄꠈꠦꠞꠦ ꠚꠁꠟꠝꠥꠇꠣꠄ ꠘꠤꠎꠞꠦ ꠢꠣꠟꠟꠣꠉꠟꠟꠣꠈꠣꠞꠤ ꠈꠁꠀ ꠚꠞꠤꠍꠄ ꠖꠦꠃꠞꠣꠁꠘ꠆ꠔꠞ ꠝꠣꠏꠦ ꠀꠞ꠆ꠘꠦ ꠉꠣꠞꠛꠞ꠆ꠉ ꠀꠞ ꠁꠜꠣꠞ ꠝꠞꠐꠦꠍꠘ-ꠄꠉꠘꠣꠘ꠆ꠒ ꠞꠁꠍꠂꠘ ⁕ ꠄꠁꠘꠔꠣꠁꠘ ꠝꠃꠟꠛꠣꠖꠤ ꠗꠣꠞꠘꠣꠞ "ꠚꠦꠒ꠆ꠞꠣꠢꠣꠁꠝꠦꠘ" ꠘꠣꠝꠦ - ꠚꠤꠞꠣꠔ ꠄꠈꠣꠘ ꠚꠔ꠆ꠞꠤꠇꠣ ꠍꠣꠚꠣꠁꠔꠣ ⁕ ꠡꠝꠄꠞ ꠟꠉꠦ ꠟꠉꠦ ꠙꠦꠙꠣꠞ ꠁꠇꠣꠘ ꠀꠞꠅ ꠛꠦꠡꠤ ꠈꠞꠤꠀ ꠢꠣꠟꠟꠣꠉꠟꠟꠣꠞ-ꠛꠣꠗꠣ ꠅꠁꠀ ꠃꠑꠦ • ꠙꠦꠙꠣꠞ ꠁꠇꠣꠘꠞ ꠢꠦꠡꠝꠥꠇꠣꠄ ꠁꠇꠐꠣ ꠢꠣꠟꠟꠣꠉꠟꠟꠣꠞ-ꠇꠝꠤꠃꠘꠤꠍ꠆ꠐ ꠉꠥꠁꠐ ꠍꠣꠋꠉꠤꠘꠣꠝ ꠚꠣꠄ ⁕ ꠢꠣꠟꠟꠣꠉꠟꠟꠣꠛꠣꠖꠤ ꠟꠦꠈꠞꠣ ꠢꠦꠘ꠆ꠍ ꠎꠦꠉꠣꠞ "ꠢꠣꠟꠟꠣꠉꠟꠟꠣꠞ ꠛꠣꠁꠛꠦꠟ" ꠚꠤꠞꠣꠔ ꠍꠣꠚꠣꠁꠘ ⁕ ꠁꠖꠣꠘꠤꠋ ꠡꠝꠄꠇꠥ ꠎꠦꠘ꠆ꠍ ꠛꠤꠅꠞꠘꠦꠛ "ꠚꠥꠟꠤꠡ ꠀꠞ ꠢꠣꠟꠟꠣꠉꠟꠟꠣ" ꠘꠣꠝꠞ ꠛꠁꠅ ꠀꠞꠅ ꠎꠤꠘꠤꠡꠞ ꠟꠉꠦ ꠢꠣꠟꠟꠣꠉꠟꠟꠣ ꠟꠁꠀꠅ ꠝꠣꠔꠣꠝꠣꠔꠤ ꠈꠞꠞꠣ ⁕

ꠁꠔꠤꠢꠣꠡ

ꠘꠞꠅꠦꠔ ꠢꠣꠟꠟꠣꠉꠟꠟꠣꠞ ꠁꠔꠤꠢꠣꠡ ꠚꠤꠞꠔꠤꠔ ꠚꠁꠟꠛꠣꠞꠇꠥꠞ ꠟꠣꠈꠣꠘ ꠝꠦꠘꠔꠤ ꠖꠣꠋꠉꠣꠢꠣꠋꠉꠣꠝꠣꠞ ꠡꠝꠄꠇꠥ ꠔꠘꠦ ꠀꠞꠝ꠆ꠜ ꠅꠁꠍꠤꠟ, ꠎꠦꠛꠟꠣꠇꠥ ꠝꠣꠞ꠆ꠇꠣꠍ ꠕꠦꠞꠦꠁꠘꠦ ꠒ꠆ꠞꠣꠝꠦꠘꠅ ꠢꠤꠖꠦꠡꠞ ꠚꠁꠟ ꠝꠦꠘꠔꠤ ꠁꠃꠘꠤꠅꠘ ꠡꠥꠞꠥ ꠈꠞꠍꠤꠟꠣ ⁕ ꠛꠣꠖꠞ ꠚꠤꠞꠣ ꠔꠣꠁꠘ "Arbeider-Foreningernes Blad" ꠚꠔꠤꠡꠐꠣ ꠈꠞꠍꠤꠟꠣ ⁕ ꠙꠦꠙꠣꠞ ꠁꠇꠣꠘꠞ ꠝꠣꠏꠦ ꠚ꠆ꠞꠣꠘ꠆ꠍꠤ ꠢꠣꠟꠟꠣꠉꠟꠟꠣꠛꠣꠖꠤ ꠙꠤꠄꠞ-ꠎꠍꠦꠚ ꠙ꠆ꠞꠥꠖ, ꠜꠤꠟꠢꠦꠟ꠆ꠝ ꠜꠣꠁꠔꠟꠤꠋ, ꠄꠔꠤꠄꠘ ꠇꠣꠛꠦꠐ, ꠢꠦꠘꠞꠤ ꠒꠤ ꠍꠦꠘ꠆ꠐ-ꠍꠣꠁꠝꠘ, ꠟꠥꠁ ꠛ꠆ꠟ ꠡꠥꠖ꠆ꠖꠣ ꠀꠞꠅ ꠛꠃꠔ ꠛꠣꠃꠚꠕꠤꠘ꠆ꠔꠞ ꠟꠦꠈꠣ ꠍꠣꠚꠣ ꠅꠁꠔ ⁕ ꠕ꠆ꠞꠦꠁꠘ ꠙ꠆ꠞꠥꠖꠞ ꠜꠈ꠆ꠔ ꠀꠍꠟꠣ, ꠎꠦꠘꠞꠦ ꠔꠣꠘꠞꠦ "ꠎꠦꠞꠣꠈꠞꠟꠦ ꠀꠝꠒꠣꠞ ꠡꠝꠄꠇꠥꠞ ꠡꠦꠞꠣ ꠀꠈꠟꠤꠀ" ꠈꠁꠀ ꠉꠥꠘ ꠉꠣꠘ ꠉꠣꠁꠍꠂꠘ, ꠔꠄ ꠔꠣꠁꠘ ꠘꠥ ꠘꠤꠎꠞꠦ ꠢꠣꠟ꠆ꠟꠣꠉꠟ꠆ꠟꠣꠛꠣꠖꠤ ꠝꠘ ꠈꠞꠔꠣ ꠘꠣ ⁕ ꠔꠣꠘꠞꠦ ꠘꠞꠅꠦꠞ ꠚꠁꠟ ꠡꠝꠣꠎꠛꠣꠖꠤ ꠀꠞ ꠄꠞꠟꠉꠦ ꠖꠡꠦꠝꠤꠟꠤ ꠢꠣꠋꠉꠣꠝꠣꠞ ꠝꠥꠟ ꠗꠥꠘ꠆ꠖꠤ ꠢꠤꠡꠣꠛꠦ ꠈꠃꠀ ꠅꠄ ⁕ ꠚꠤꠞꠣꠞ ꠎꠥꠘ ꠝꠣꠡꠞ ꠡꠦꠡꠝꠥꠇꠣꠄ ꠝꠦꠘ꠆ꠔꠤ ꠁꠃꠘꠤꠅꠘꠞ ꠉꠥ ꠁꠃꠘꠤꠅꠘꠞ ꠝꠣꠏꠦ ꠎꠘ ꠝꠣꠘꠥꠁꠘ ꠀꠍꠟꠣ ⁕ ꠚꠤꠞꠣꠔ ꠕ꠆ꠞꠦꠁꠘꠞꠦ ꠄꠞꠦꠡ꠆ꠐ ꠈꠞꠤꠀ ꠎꠦꠟ ꠜꠞꠣ ꠅꠁꠎꠣꠄ ⁕ ꠝꠦꠘ꠆ꠔꠤ ꠁꠃꠘꠤꠅꠘꠈꠟ ꠎꠥꠠꠈꠞꠤꠀ ꠛꠘ꠆ꠗ ꠈꠞꠤꠟꠣꠃꠀ ꠅꠄ ꠀꠞꠘꠣꠄ ꠁꠔꠣꠞ ꠗꠞꠘ ꠚꠣꠟꠐꠣꠘꠤ ꠅꠁꠎꠣꠄ ⁕ ꠕ꠆ꠞꠦꠁꠘꠦ ꠚꠤꠞꠣꠔ ꠍꠃꠖ꠆ꠖ ꠡꠤꠇꠣꠞ ꠇꠥꠐꠣ ꠔꠥꠘꠦ ꠚꠣꠁꠘ ꠀꠞ ꠛꠣꠖꠦ ꠚꠤꠞꠣꠔ ꠝꠣꠞ꠆ꠇꠤꠘ ꠝꠥꠟ꠆ꠟꠥꠇꠅ ꠎꠣꠁꠘ ꠉꠤꠀ ⁕ ꠚꠤꠞꠔꠤꠞ ꠝꠦ ꠝꠣꠡꠅ ꠀꠝꠦꠞꠤꠇꠣꠞ ꠡꠤꠇꠣꠉ ꠡꠢꠞꠅ ꠢꠦꠁꠝꠣꠞ꠆ꠇꠦꠐꠞ ꠖꠣꠋꠉꠣꠞ ꠛꠣꠖꠦ ꠔꠣꠁꠘ ꠘꠤꠎꠞꠦ ꠢꠈꠟꠎꠣꠔꠤ ꠢꠣꠟ꠆ꠟꠣꠉꠟ꠆ꠟꠣꠛꠣꠖꠤ ꠈꠣꠝ ꠔꠘꠦ ꠢꠘꠣ ꠀꠐꠣꠁꠀ ꠀꠘꠤꠟꠣꠁꠘ ⁕ ꠁꠛꠣꠄꠖꠤ ꠕ꠆ꠞꠦꠁꠘꠦ ꠚꠣꠡꠤꠖꠦꠃꠞꠣꠁꠘ꠆ꠔꠞ ꠄꠈꠎꠘꠞꠦꠅ ꠘꠥ ꠍꠤꠘꠔꠣ ⁕

ꠚꠤꠞꠣꠔ ꠍꠞꠦꠘ ꠎꠣꠛꠣꠇꠦ ꠝꠣꠘꠒꠣꠟꠅ ꠚꠄꠟꠣ ꠛꠣꠞꠇꠥꠞ ꠝꠔꠘ ꠈꠦꠔꠥꠀꠟ ꠛꠘ꠆ꠗꠥ ꠡꠋꠉ ꠉꠠꠤꠀ ꠔꠥꠟꠂꠘ ⁕ ꠁ ꠡꠋꠉ ꠁꠇꠣꠘ ꠇꠝꠤꠃꠘꠤꠡ꠆ꠐ ꠀꠞ ꠕꠣꠘꠤꠅ ꠛꠤꠡꠡꠣꠡ ꠃꠛꠣꠁꠍꠤꠟ, ꠎꠦꠁꠘꠔꠣꠁꠘ ꠛꠃꠔꠝꠥꠇꠤ ꠀꠞ ꠕꠣꠘꠤꠅ ꠡꠞꠣꠎꠤꠞ ꠃꠚꠞꠦ ꠎꠥꠞ ꠖꠤꠍꠟꠣ ⁕ ꠈꠦꠔꠥꠀꠟ-ꠛꠘꠣꠚꠤ ꠘꠤꠔꠤꠞ ꠝꠣꠏꠦ ꠖꠡꠦꠝꠤꠟꠤ ꠀꠘ꠆ꠖꠥꠟꠘ ꠁꠇꠣꠘ ꠀꠍꠤꠟ ꠎꠛꠞꠖꠍ꠆ꠔ ꠍꠤꠎ ꠄꠈꠣꠘ ⁕