ꠛꠦꠛꠀꠞꠈꠣꠞ꠆ꠞꠣ:PushpaKhan
ꠀꠝꠣꠞ ꠛꠦꠛꠀꠞꠇꠞ꠆ꠞꠣꠞ ꠙꠣꠔꠣꠔ ꠀꠙꠘꠣꠞꠦ ꠍꠥꠡ ꠀꠝꠖꠦꠖ⁕꠪ ꠀꠝꠤ ꠙꠥꠡ꠆ꠙ ꠈꠣꠘ, ꠛꠣꠋꠟꠣꠖꠦꠡꠞ ꠛ꠆ꠞꠣꠛ꠆ꠝꠘꠛꠣꠠꠤꠀ ꠕꠣꠇꠤ, ꠄꠇꠎꠘ ꠡꠤꠟ꠆ꠙꠤ⁕ ꠄꠇꠎꠘ ꠎꠣꠘ-ꠙꠞꠣꠘ ꠖꠤꠀ ꠇꠣꠝ ꠇꠞꠞꠣ ꠃꠁꠇꠤꠙꠤꠠꠤꠀꠘ ꠢꠤꠡꠣꠛꠦ, ꠝꠣꠁꠘꠡꠦꠞ ꠉꠦꠍꠦ ꠉꠤꠀꠘ ꠡꠢꠎ ꠇꠞꠤꠀ ꠖꠤꠟꠣꠁꠔꠦ ꠀꠝꠤ ꠃꠁꠇꠤꠙꠤꠠꠤꠀꠞ ꠛꠣꠋꠟꠣ, ꠢꠤꠘ꠆ꠖꠤ, ꠍꠤꠟꠐꠤ, ꠃꠞ꠆ꠖꠥ ꠀꠞ ꠁꠋꠞꠦꠎꠤ ꠝꠣꠔ ꠟꠦꠍꠣꠟꠦꠍꠤ ꠀꠞ ꠄꠒꠤꠐ ꠇꠞꠤ⁕꠫
 | |
| ꠘꠣꠝ | ꠙꠥꠡ꠆ꠙ ꠈꠣꠘ |
|---|---|
| ꠟꠤꠋꠉ꠆ꠉ | ꠙꠥꠞꠥꠡ (ꠛꠦꠐꠣ) |
| ꠎꠃꠝ꠆ꠝꠣꠘ | ꠛ꠆ꠞꠣꠛ꠆ꠝꠘꠛꠣꠠꠤꠀ, ꠛꠣꠋꠟꠣꠖꠦꠡ |
| ꠇꠣꠝ | ꠃꠁꠇꠤꠙꠤꠒꠤꠀꠘ |
ꠝꠣꠔ ꠀꠞ ꠡꠣꠋꠡ꠆ꠇꠤꠔꠤꠇ ꠙꠞꠤꠌꠁ ꠐꠤꠇꠣꠁꠀ ꠞꠣꠈꠣꠞ ꠟꠉꠤ ꠝꠣꠔ ꠀꠞ ꠟꠤꠙꠤꠞ ꠎꠦ ꠡꠇ꠆ꠔꠤ ꠀꠍꠦ, ꠁꠔꠣꠞ ꠟꠣꠉꠤ ꠛꠤꠘ꠆ꠘ ꠝꠣꠔ ꠢꠤꠈꠣ ꠀꠝꠣꠞ ꠈꠥꠛ ꠐꠣꠘ⁕ ꠀꠝꠤ ꠝꠦꠟꠣ ꠜꠣꠡꠣ ꠎꠣꠘꠤ ꠀꠞ ꠢꠃꠔꠣ ꠘꠤꠀ ꠇꠣꠝ ꠇꠞꠤ, ꠀꠞ ꠝꠦꠟꠣ ꠎꠣꠔꠤꠞ ꠟꠉꠦ ꠝꠤꠟ-ꠝꠢꠛ꠆ꠛꠔ ꠛꠣꠠꠣꠁꠔꠦ ꠃꠁꠇꠤꠙꠤꠒꠤꠀꠞ ꠘꠣꠘꠣꠘ ꠜꠣꠡꠣꠞ ꠡꠋꠡ꠆ꠇꠞꠘ ꠟꠦꠈꠣꠟꠦꠈꠤ ꠇꠞꠤ⁕꠪
ꠝꠣꠔ (ꠜꠣꠡꠣ)
- ꠛꠣꠋꠟꠣ꠩ ꠁꠐꠣ ꠀꠝꠣꠞ ꠝꠣꠄꠞ ꠜꠣꠡꠣ ꠀꠞ ꠀꠝꠣꠞ ꠌꠦꠔꠘꠣꠞ ꠝꠥꠟ⁕
- ꠢꠤꠘ꠆ꠖꠤ ꠀꠞ ꠃꠞ꠆ꠖꠥ꠩ ꠖꠇ꠆ꠇꠤꠘ ꠀꠡꠤꠀꠔ ꠎꠥꠉꠣꠎꠥꠉ ꠇꠞꠣꠞ ꠝꠣꠗ꠆ꠗꠝ⁕
- ꠜꠥꠎꠙꠥꠞꠤ꠩ ꠀꠘ꠆ꠌꠟꠤꠇ ꠇꠤꠍ꠆ꠍꠣ-ꠇꠣꠢꠤꠘꠤ ꠀꠞ ꠡꠋꠡ꠆ꠇ꠆ꠞꠤꠔꠤꠞ ꠟꠉꠠꠦ ꠎꠥꠠꠣ ꠟꠣꠉꠣꠘꠤ⁕
- ꠙꠣꠘ꠆ꠎꠣꠛꠤ꠩ ꠜꠣꠞꠔꠤꠄ ꠃꠙꠝꠢꠣꠖꠦꠡꠞ ꠛꠤꠘ꠆ꠘ ꠝꠣꠔ ꠎꠣꠘꠣꠞ⁕
- ꠁꠋꠞꠦꠎꠤ꠩ ꠡꠣꠞꠣ ꠖꠥꠘꠤꠀꠞ ꠟꠣꠉꠦ ꠉꠤꠀꠘ ꠀꠖꠣꠘ-ꠙ꠆ꠞꠖꠣꠘ ꠇꠞꠣꠞ ꠟꠣꠉꠤ⁕꠪
ꠟꠤꠙꠤ (ꠢꠞꠙ)
- ꠛꠣꠋꠟꠣ ꠟꠤꠙꠤ꠩ ꠀꠝꠣꠞ ꠝꠣꠄꠞ ꠝꠣꠔꠦꠞ ꠟꠤꠙꠤ⁕
- ꠖꠦꠛꠘꠣꠉꠞꠤ꠩ ꠢꠤꠘ꠆ꠖꠤ ꠀꠞ ꠜꠥꠎꠙꠥꠞꠤ ꠜꠣꠡꠣꠞ ꠟꠣꠉꠤ⁕
- ꠚꠣꠞꠍꠤ ꠀꠞ ꠃꠞ꠆ꠖꠥ ꠟꠤꠙꠤ꠩ ꠃꠞꠖꠥꠞ 'ꠘꠣꠍꠔꠣꠟꠤꠇ' ꠀꠞ ꠝꠦꠁꠘ ꠀꠞꠛꠤ ꠟꠤꠙꠤ⁕
- ꠍꠤꠟꠐꠤ ꠘꠣꠉꠞꠤ꠩
ꠍꠤꠟꠐꠤ ꠘꠣꠉꠞꠤ ꠅꠁꠟꠅ ꠉꠤꠀ ꠄꠇꠐꠣ ꠙꠥꠞꠣꠘꠣ ꠟꠤꠙꠤ, ꠎꠦꠐꠣ ꠀꠡꠟꠔꠦ ꠌꠃꠖ꠆ꠗꠡ ꠡꠔꠇ ꠔꠣꠇꠤ ꠍꠤꠟꠐꠤ ꠜꠣꠡꠣ ꠀꠞ ꠡꠣꠢꠤꠔ꠆ꠔ꠆ꠞ ꠌꠞ꠆ꠌꠣꠔ ꠛꠦꠛꠢꠣꠞ ꠇꠞꠣ ꠅꠁꠀ ꠀꠁꠔꠣꠍꠦ⁕ ꠛꠤꠡꠦꠡ ꠇꠞꠤ ꠗꠞ꠆ꠝꠤꠅ ꠙꠥꠔꠤ ꠀꠞ ꠟꠥꠇꠉꠣꠔꠣ ꠟꠦꠈꠣꠞ ꠟꠣꠉꠤ ꠁꠐꠣ ꠈꠥꠛ ꠎꠘꠙ꠆ꠞꠤꠅ ꠀꠍꠤꠟ⁕ ꠁꠐꠣ ꠟꠁꠀ ꠀꠝꠤ ꠇꠣꠝ ꠇꠞꠔꠣꠝ ꠌꠣꠁ⁕꠫
ꠀꠝꠤ ꠘꠤꠎꠞꠦ ꠁ ꠖꠥꠘꠤꠀꠞ ꠄꠇꠎꠘ ꠡꠣꠗꠣꠞꠘ ꠝꠣꠘꠥꠡ ꠀꠞ ꠡꠣꠞꠣ ꠖꠥꠘꠤꠀꠞ ꠍꠣꠔ꠆ꠞ ꠝꠘꠦ ꠇꠞꠤ⁕ ꠀꠝꠣꠞ ꠀꠡꠟ ꠇꠕꠣ ꠅꠃꠐꠣ ꠎꠦ—ꠀꠝꠞꠣꠞ ꠀꠁꠅ ꠇꠝ ꠢꠁꠔ ꠙꠣꠞꠦ, ꠇꠤꠘ꠆ꠔꠥ ꠎꠣꠘꠣꠞ ꠇꠝꠔꠣ ꠅꠃꠟꠧ ꠅꠡꠤꠝ⁕ ꠀꠝꠤ ꠙ꠆ꠞꠔꠤꠖꠤꠘ ꠘꠁꠀ ꠇꠤꠍꠥ ꠡꠤꠇꠣꠞ ꠄꠇꠟꠣꠈꠣꠘ ꠐꠣꠘ ꠅꠘꠥꠜꠛ ꠇꠞꠤ⁕ ꠛꠤꠉ꠆ꠉꠣꠘ ꠀꠞ ꠉꠛꠦꠡꠘꠣꠞ ꠝꠣꠗ꠆ꠗꠝꠦ ꠎꠣꠞꠣ ꠝꠣꠁꠘꠡꠞ ꠎꠣꠔꠞꠦ ꠀꠉꠥꠀꠁꠀ ꠘꠤꠀ ꠉꠦꠍꠁꠘ, ꠢꠃ ꠡꠛ ꠉꠛꠦꠡꠇ ꠀꠞ ꠛꠤꠉ꠆ꠉꠣꠘꠤꠞꠣꠞ ꠙ꠆ꠞꠔꠤ ꠀꠝꠤ ꠅꠘ꠆ꠔꠞ ꠕꠣꠇꠤ ꠡꠝ꠆ꠝꠣꠘ ꠎꠣꠘꠣꠁ⁕꠫
ꠜꠥꠉꠧꠟ꠩ ꠜꠥꠉꠧꠟ, ꠎꠣꠉꠣ, ꠙꠞꠤꠛꠦꠡ ꠀꠞ ꠢꠇꠟ ꠎꠣꠔꠞ ꠡꠋꠡ꠆ꠇ꠆ꠞꠤꠔꠤ ꠘꠤꠀ ꠛꠤꠌꠣꠞ-ꠛꠤꠡ꠆ꠟꠦꠡꠘ ꠇꠞꠣꠧ⁕
ꠎ꠆ꠜꠧꠔꠤꠞꠛꠤꠉ꠆ꠉꠣꠘ ꠀꠞ ꠡ꠆ꠞꠤꠡ꠆ꠐꠤꠔꠔ꠆ꠔ꠩ ꠀꠍꠝꠣꠘꠞ ꠔꠦꠞꠣ-ꠘꠇ꠆ꠇꠔ꠆ꠞ ꠀꠞ ꠝꠢꠣꠛꠤꠡ꠆ꠡꠞ ꠘꠤꠄꠝ-ꠇꠣꠘꠥꠘ ꠡꠝ꠆ꠙ꠆ꠞꠇꠦ ꠎꠣꠘꠣ⁕
ꠝꠣꠔꠞ (ꠜꠣꠡꠣ) ꠛꠂꠌ꠆ꠔꠤꠞ꠩ ꠝꠦꠟꠣ ꠎꠣꠔꠞ ꠝꠣꠔ ꠀꠞ ꠢꠞꠚ ꠖꠤꠀ ꠀꠟꠣꠖꠣ ꠀꠟꠣꠖꠣ ꠡꠋꠡ꠆ꠇ꠆ꠞꠤꠔꠤꠞ ꠝꠁꠎꠦ ꠝꠤꠟ-ꠝꠢꠛ꠆ꠛꠔ ꠛꠣꠠꠣꠘꠤ⁕
ꠚꠐꠥ ꠔꠧꠟꠣ꠩ ꠇꠦꠝꠦꠞꠣꠞ ꠟꠦꠘ꠆ꠍ ꠖꠤꠀ ꠖꠥꠘꠤꠀꠞ ꠡꠥꠘ꠆ꠖꠞ ꠖꠤꠡ꠆ꠡ ꠝꠣꠁꠘꠡꠞ ꠡꠋꠡ꠆ꠇ꠆ꠞꠤꠔꠤꠞ ꠀꠞ ꠡꠝꠁꠞꠦ ꠗꠞꠤ ꠞꠣꠔꠣꠧ⁕
ꠖꠥꠘꠤꠀꠎꠥꠠꠣ ꠉꠤꠀꠘ ꠛꠤꠟꠣꠘꠤ꠩ ꠃꠁꠇꠤꠙꠤꠒꠤꠀ ꠀꠞ ꠝꠣꠗ꠆ꠎꠝꠦ ꠡꠛ ꠔꠕ꠆ꠕ ꠢꠇꠟꠞ ꠟꠣꠉꠤ ꠡꠢꠎ ꠇꠞꠤ ꠖꠦꠃꠀ⁕꠫