ꠜꠣꠞꠈꠣꠝ
ꠎꠦ ꠝꠣꠐ꠆ꠐꠥꠝꠣ ꠖꠤ ꠇꠥꠘꠥ ꠈꠣꠝ ꠈꠞꠣ ꠛꠥꠏꠣꠄ, ꠔꠣꠞꠦ ꠍꠤꠟꠐꠤ ꠈꠣꠄꠖꠣꠄ ꠜꠣꠞꠈꠣꠝ (ꠁꠋꠟꠤꠡ: Verb) ꠒꠣꠈꠦ⁕ ꠝꠣꠘꠦ ꠛꠣꠁꠇ꠆ꠇꠞ ꠎꠦ ꠝꠣꠐ꠆ꠐꠥꠝꠣ ꠖꠤ ꠎꠦꠍꠣꠎꠣꠔ ꠈꠣꠝ ꠈꠞꠣ ꠛꠣ ꠈꠣꠝ ꠅꠀ ꠛꠥꠏꠣꠄ, ꠁꠉꠥꠞꠦ ꠜꠣꠞꠈꠣꠝ ꠈꠄ⁕ ꠎꠦꠟꠣꠘ- ꠈꠣꠅꠀ, ꠎꠣꠅꠀ, ꠘꠣꠅꠀ, ꠊꠥꠝꠣꠘꠤ ꠅꠔꠣꠁꠘ⁕
ꠜꠣꠞꠈꠣꠝꠞꠦ ꠈꠄꠈ ꠐꠥꠝꠣꠄ ꠛꠣꠐꠣ ꠎꠣꠄ⁕
ꠜꠣꠛ ꠚꠇꠣꠡꠞ ꠝꠥꠇꠣꠄ ꠜꠣꠞꠈꠣꠝ ꠖꠥꠁꠎꠣꠔꠤ⁕ ꠎꠦꠟꠣꠘ-
- ꠅꠁꠟꠈꠣꠝ/ꠅꠁꠍꠣꠝ
- ꠞꠁꠟꠈꠣꠝ/ꠞꠁꠍꠣꠝ
ꠅꠁꠍꠣꠝ ꠝꠣꠘꠦ ꠅꠁꠍꠦ ꠛꠣ ꠅꠄ ꠜꠣꠞꠈꠣꠝ⁕ ꠝꠣꠘꠦ ꠎꠦ ꠜꠣꠞꠈꠣꠝ ꠛꠣꠁꠇ꠆ꠇꠞ ꠅꠞ꠆ꠕ ꠚꠥꠣꠞꠣ ꠈꠞꠦ ꠔꠣꠞꠦ ꠅꠁꠟꠈꠣꠝ ꠛꠣ ꠅꠁꠍꠣꠝ ꠈꠄ⁕ ꠎꠦꠟꠣꠘ-
- ꠀꠝꠤ ꠛꠣꠠꠤꠔ ꠎꠣꠁꠝꠥ⁕
- ꠀꠝꠞꠣ ꠢꠣꠁꠘꠎꠣꠛꠣꠟꠣ ꠚꠠꠣꠔ ꠛꠁꠝꠥ⁕
ꠞꠁꠍꠣꠝ ꠝꠣꠘꠦ ꠞꠁꠍꠦ ꠛꠣ ꠞꠄ ꠜꠣꠞꠈꠣꠝ⁕ ꠝꠣꠘꠦ ꠎꠦ ꠜꠣꠞꠈꠣꠝ ꠛꠣꠁꠇ꠆ꠇꠞ ꠅꠞ꠆ꠕ ꠚꠥꠣꠞꠣ ꠈꠞꠔ ꠚꠣꠞꠦ ꠘꠣ, ꠈꠅꠞꠣꠞ ꠈꠅꠀ ꠞꠁ ꠎꠣꠁ, ꠔꠣꠞꠦ ꠞꠁꠟꠈꠣꠝ ꠛꠣ ꠞꠁꠍꠣꠝ ꠈꠄ⁕ ꠎꠦꠟꠣꠘ-
- ꠀꠝꠞꠣ ꠀꠔ-ꠚꠣꠅ ꠗꠂꠀ......
- ꠛꠤꠀꠘꠦ ꠞꠂꠖ ꠃꠑꠟꠦ.......
ꠡꠣꠗꠣꠞꠘ ꠟꠣꠈꠣꠘ ꠜꠣꠞꠈꠣꠝꠞꠦ ꠚꠣꠍ-ꠍꠄ ꠟꠣꠈꠣꠘ ꠛꠣꠐꠣ ꠎꠣꠄ⁕