ꠝꠣꠟꠘꠤꠍꠠꠣ ꠍꠣ ꠛꠣꠉꠣꠘ

ꠝꠣꠟꠘꠤꠍꠠꠣ ꠍꠣ ꠛꠣꠉꠣꠘ ꠅꠁꠟ ꠛꠣꠋꠟꠣꠖꠦꠡꠞ ꠍꠤꠟꠦꠐ ꠎꠦꠟꠣꠞ ꠄꠇꠐꠣ ꠍꠣ ꠛꠣꠉꠣꠘ ⁕ ꠁꠇꠐꠣ ꠃꠙꠝꠢꠣꠖꠦꠡꠞ ꠡꠛꠌꠦꠄ ꠚꠥꠞꠣꠘꠣ ꠍꠣ ꠛꠣꠉꠣꠘ ⁕ ꠝꠣꠟꠘꠤꠍꠠꠣ ꠍꠣ ꠛꠣꠉꠣꠘ ꠛꠣꠋꠟꠣꠖꠦꠡ ꠡꠢ ꠀꠍꠔꠣ ꠃꠙꠝꠢꠣꠖꠦꠡꠞ ꠡꠛꠌꠣꠁꠔꠦ ꠛꠠ ꠀꠞ ꠢꠈꠟꠞ ꠚꠄꠟꠣ ꠛꠣꠘꠣꠘꠤ ꠍꠣ ꠛꠣꠉꠣꠘ ⁕^[1] ꠡꠣꠟꠧ ꠟꠞ꠆ꠒ ꠢꠣꠞ꠆ꠒꠍꠘ ꠄꠇꠞ ꠎꠣꠄꠉꠣꠞ ꠃꠚꠞꠦ ꠁ ꠍꠣ ꠛꠣꠉꠣꠘ ꠛꠣꠘꠣꠁꠍꠁꠘ ⁕ ꠁ ꠍꠣ ꠛꠣꠉꠣꠘ ꠍꠤꠟꠦꠐ ꠈꠣꠘ꠆ꠖꠣꠔ ꠁꠀꠞꠙꠥꠞ꠆ꠐ ꠞꠧꠒꠦ ꠍꠃꠇꠤꠖꠦꠈꠤꠞ ꠔꠥꠠꠣ ꠡꠣꠝꠘꠦ ⁕ ꠄꠛꠟꠣ ꠁ ꠍꠣ ꠛꠣꠉꠣꠘꠞ ꠝꠣꠟꠤꠇꠣꠘꠣ ꠍꠤꠟꠦꠐꠤ ꠛꠦꠛꠡꠣꠁ ꠞꠣꠉꠤꠛ ꠀꠟꠤꠞ ⁕^[2]

ꠁꠔꠤꠢꠣꠡ

ꠡꠣꠟ ꠌꠤꠘꠧ ꠚꠄꠟꠣ ꠍꠣ ꠚꠟꠣꠘꠤ ꠡꠥꠞꠥ ꠅꠄ ⁕ ꠌꠤꠘ ꠖꠦꠡꠞ ꠚꠘ꠆ꠒꠤꠔ ꠅꠈꠟꠞ ꠞꠥꠎꠇꠥꠞ ꠎꠤꠛꠘꠞ ꠐꠣ ꠈꠣꠎꠞ ꠄꠇꠐꠣ ꠀꠍꠤꠟ ꠍꠣ ꠈꠣꠅꠀ ⁕ ꠌꠤꠘꠞ ꠛꠣꠖꠦ ꠙ꠆ꠞꠣꠄ ꠛꠍꠞ ꠚꠞꠦ ꠡꠣꠟꠧ ꠙꠣꠇ-ꠜꠣꠞꠔꠤ ꠃꠙꠝꠢꠣꠖꠦꠡꠞ ꠍꠤꠟꠦꠐꠃ ꠚꠄꠟꠣ ꠍꠣ ꠚꠟꠣꠘꠤ ꠡꠥꠞꠥ ꠅꠄ ⁕ ^[3]ꠍꠣ ꠈꠣꠅꠀꠞ ꠅꠜꠜꠣꠡ ꠅꠁ ꠎꠣꠄ ꠛ꠆ꠞꠤꠐꠤꠡ ꠀꠞ ꠛꠣꠋꠟꠣꠖꠦꠡꠤ ꠝꠣꠘꠡꠞ ⁕ ꠍꠤꠟꠦꠐꠞ ꠝꠣꠟꠘꠤꠍꠠꠣ ꠍꠣ ꠛꠣꠉꠣꠘ ꠕꠣꠇꠤꠃ ꠃꠙꠝꠢꠣꠖꠦꠡ ꠍꠣ ꠚꠟꠣꠘꠤꠞ ꠡꠥꠞꠥ ⁕ ꠄꠞꠛꠣꠖꠦ ꠖꠦꠠ ꠡꠔ ꠛꠍꠞ ꠚꠥꠞꠣꠘꠣ ꠝꠣꠟꠘꠤꠍꠠꠣ ꠛꠃꠔ ꠁꠋꠞꠦꠎ ꠨ ꠙꠣꠇꠤꠡ꠆ꠔꠣꠘꠤ ꠀꠞ ꠛꠣꠋꠟꠣꠖꠦꠡꠤ ꠝꠣꠟꠤꠇꠣꠘꠣꠞ ꠀꠔ ꠊꠥꠞꠤꠀ ꠡꠣꠟ ꠕꠣꠇꠤ ꠀꠛ ꠞꠣꠉꠤꠛ ꠀꠟꠤꠞ ꠘꠤꠎꠡꠡꠧ ꠝꠣꠟꠤꠇꠣꠘꠣꠔ ꠀꠍꠦ ⁕ ꠍ꠆ꠞꠤꠝꠋꠉꠟꠞꠦ ꠍꠣꠞ ꠖꠦꠡ ꠅꠁꠟꠦꠅ ꠍꠤꠟꠦꠐꠞ ꠁ ꠍꠣ ꠛꠣꠉꠣꠘ ꠕꠣꠇꠤꠃ ꠍꠣ ꠚꠟꠣꠘꠞ ꠡꠥꠞꠥ ꠁ ꠖꠦꠡ ⁕ ꠎꠣ ꠄꠈꠘ ꠁꠔꠤꠢꠣꠡꠞ ꠅꠋꠡ ⁕^[4]