ꠡꠤꠔ
ꠡꠤꠔ ꠅꠁꠟ ꠛꠍꠞꠞ ꠡꠛꠌꠣꠁꠔꠦ ꠑꠣꠘ꠆ꠒꠣ ꠡꠝꠄ ꠀꠞ ꠛꠍꠞꠞ ꠚꠣꠍ ꠘꠝ꠆ꠛꠞ ꠈꠣꠟ⁕ ꠚꠃꠡ ꠀꠞ ꠝꠣꠊ ꠅꠃ ꠖꠥꠁ ꠝꠣꠡ ꠝꠤꠟꠤꠀ ꠡꠤꠔ⁕ ꠡꠤꠔꠈꠣꠟ ꠝꠥꠟꠔ ꠢꠥꠇꠘꠣ, ꠝꠦꠊꠛꠣꠖꠟꠤ ꠅꠄ ꠘꠣ, ꠢꠣꠅꠀꠚꠣꠘꠤ ꠑꠣꠁꠀ ꠕꠣꠈꠦ, ꠀꠞ ꠖꠤꠘ ꠛꠣꠐ꠆ꠐꠤ ꠀꠞ ꠞꠣꠁꠔ ꠟꠣꠝ꠆ꠛꠣ ꠕꠣꠈꠦ⁕ ꠛꠣꠋꠟꠣꠖꠦꠡ ꠅ ꠡꠤꠔꠞ ꠡꠝꠄ ꠘꠄꠀ ꠍꠣꠃꠟꠞ ꠉꠥꠠꠣ ꠖꠤ ꠘꠣꠘꠣꠘꠎꠣꠔ ꠚꠤꠑꠣ ꠛꠣꠘꠣꠁꠀ ꠈꠣꠅꠀ ꠅꠄ⁕
ꠚꠃꠡ ꠝꠣꠡ ꠀꠞ ꠝꠣꠊ ꠝꠣꠡ ꠅꠃ ꠖꠥꠁ ꠝꠣꠡ ꠎꠥꠠꠤꠀ ꠃꠔꠞꠧ ꠉꠧꠟꠣꠞ꠆ꠗꠔ ꠡꠤꠔꠈꠣꠟ⁕ ꠎꠖꠤꠅ ꠀꠊꠘ ꠝꠣꠡꠞ ꠡꠦꠡ ꠕꠣꠇꠤꠃ ꠡꠤꠔ ꠅꠞ ꠜꠣꠛ ꠀꠄ ꠀꠞ ꠚꠣꠉꠥꠘꠞ ꠚꠄꠟꠣ ꠚꠞ꠆ꠎꠘ꠆ꠔ ꠕꠣꠈꠦ⁕ ꠛꠣꠋꠟꠣꠖꠦꠡ ꠡꠛꠌꠣꠁꠔꠦ ꠑꠣꠘ꠆ꠒꠣ ꠚꠞꠦ ꠖꠦꠡꠞ ꠃꠔꠞꠧ-ꠚꠁꠍꠝ ꠀꠞ ꠃꠔꠞꠧ-ꠚꠥꠛ ꠅꠘꠌꠟꠧ⁕
ꠝꠣꠘꠥꠡ ꠑꠣꠘ꠆ꠒꠣꠞ ꠖꠣꠄ ꠘꠣꠘꠣꠘꠎꠣꠔ ꠛꠦꠝꠣꠞ ꠀꠎꠣꠞ ꠚꠞꠦ, ꠡꠞ꠆ꠖꠤ ꠈꠣꠡꠤ, ꠢꠣꠁꠙꠧꠕꠣꠞ꠆ꠝꠤꠀ, ꠒꠤꠙ꠆ꠞꠦꠡꠘ, ꠛꠣꠔ ꠛꠦꠖꠘꠣ, ꠍꠣꠝꠠꠣ ꠚꠣꠑꠣ ꠡꠢ ꠛꠃꠔ ꠎꠣꠔ ꠛꠦꠝꠣꠞ ꠀꠎꠣꠞ ꠡꠤꠔ ꠀꠁꠟꠦ ꠛꠣꠠꠤ ꠎꠣꠄ⁕ ꠡꠛꠌꠣꠁꠔꠦ ꠛꠦꠡꠤ ꠈꠡ꠆ꠐ ꠎꠣꠞꠣꠞ ꠉꠞꠝ ꠈꠣꠚꠞ ꠛꠣ ꠕꠣꠈꠣꠞ ꠇꠥꠘꠧ ꠎꠣꠉꠣ ꠘꠣꠁ, ꠚꠔꠤ ꠛꠍꠞ ꠑꠣꠘ꠆ꠒꠣ ꠟꠣꠉꠤꠀ ꠛꠃꠔ ꠝꠣꠘꠥꠡ ꠝꠣꠞꠣ ꠎꠣꠁꠘ⁕